الحين تقدر تربط حسابك في البلايستيشن بالديسكورد
Share
⇦ Back
في شهر مايو الماضي، أعلنت شركة سوني وشركة ديسكورد أنه بيكون بينهم شراكة.
و هالشيء بيخلي خدماتهم مترابطة أكثر وأكثر! واليوم تقدر تشوف نتيجة عملهم الفترة الماضية.
أكدت شركة ديسكورد أن مستخدمي شبكة بلايستيشن يقدرون يربطون حساباتهم في البلايستيشن 4 و 5 بالديسكورد،
ويشاركون أصدقاءهم الألعاب اللي قاعدين يلعبونها، رهيب صح؟ ومو بس كذا راح تقدر تشارك الآي دي حقك في ملفك على الديسكورد.
حسب الأخبار اللي طلعت إلى الآن مافيه أي كلام رسمي عن إطلاق تطبيق للديسكورد على البلايستيشن.
طيب كيف تربط حسابك في البلايستيشن بالديسكورد؟
الموضوع جدًا بسيط والطريقة هذي تنفع بالتطبيق أو المتصفح:
- افتح إعدادات حسابك في الديسكورد واضغط على Connections
- بتطلع لك عدة مواقع وبرامج تقدر تربط حساب الديسكورد فيها ومن بينهم بتلقى أيقونة بلايستيشن
- اضغط على أيقونة البلايستيشن و بينقلك لموقعهم الرسمي
- بيطلب منك تسجل دخول لحسابك حق البلايستيشن وبكذا قدرت تربطهم