أسلاك HDMI تغّير الدقة!!

 

على مر السنوات السابقة، سلك HDMI تغّير وتطوّر وكان له تحسينات. لكننا ما انتبهنا لها لأنها ما كانت تأثر على تجربتنا وممكن ما كنّا نشوف الفرق فيه أساسًا

لكن هذا السلك بمهمته اللي نشوفها بسيطة، حصل له تطوير جذري

 

HDMI 2.1

في عام 2020 بدأت بعض الأجهزة تطلع مع نوع جديد من أسلاك HDMI

ما تفرق في شكلها أبدًا، لكنها في الحقيقة تطوّرت بشكل كبير جدًا على مستوى الأرقام

 

 

عشان تتوضح لك الفكرة ووش قصدي بالتطوير اللي يصير، سلك HDMI 2.0 اللي في الغالب إنه عندك من زمان، يقدر ينقل بيانات بمعدل 18 جيجا في كل ثانية، رقم كبير صح؟

مقارنة بـHDMI 2.1 يضاعف هذا الرقم وأكثر بقدرة نقل 48 جيجا في كل ثانية. اسلاك HDMI بكل أنواعها هنا 

 

 

طيب وش الفائدة؟

طيب حلو الأرقام واضح إنها أكبر، وش أستفيد منها كلاعب؟

باختصار هذي الأرقام تتيح لنا خيارات أوسع وأكثر بالدقة وسرعة التحديث أو Refresh Rate

 

الجيل الجديد يدعم دقة 4K حقيقي بدون ضغط، مع سرعة تحديث 120Hz وتوصل إلى 144Hz.

أو يقدر يوصل بالدقة إلى 5K و 8K

ومع تقنية ضغط جديدة على هذا النوع من الأسلاك، الدقة تقدر توصل إلى 10K وتقدر حتى تلعب بسرعة تحديث توصل إلى 120Hz.

 

خذ بعين الإعتبار، هذي الأرقام ممكن ما تعتبرها جديدة وممكن شفناها على شاشات أو أجهزة تدعم هذي الجودة

لكن الحقيقة والواقع إن أغلب هذي الأجهزة ما كانت تستعمل سلك HDMI، خصوصًا أجهزة البي سي PC كانت تستعمل مدخل DisplayPort أو ThunderBolt وغيرها

 

 

هذا التطوير يفتح مجال كبير لعدد كبير من الأجهزة وتقدر تستفيد من قدراتها

 

 

ميزات إضافية؟

التطوير ما وقف عند الدقة وبس، تقنية HDR مثلًا صار لها تحسين كثير، وتحديث لإضاءة وتوازن الصورة بشكل أسرع من السابق. وفي الصوت، أضاف الجيل الجديد تقنيات جديدة للصوت من الشركة المعروفة Dolby اللي تساعد بتحسين دقة الصوت وصفاوته.

وللأشياء البسيطة كذلك، أتوقع إنك لاحظتها لما تبغى تغّير بين الأجهزة المتصلة بشاشة واحده، تشوف إن الشاشة تتأخر وبعدها تطلع الصورة. الجيل الجديد يحسن سرعة التنقل بين الشاشات بدون ما تجلس تناظر في شاشة سوداء وأنت تنتظر.

اطلب شاشات بالمواصفات اللي تناسبك هنا

 

 

أجهزة الجيل الجديد من Xbox , Playstation

لحسن حظنا إن أجهزة الجيل الجديد تدعم مدخل HDMI 2.1

بمعنى إنك تقدر تطلق قوة هذي الأجهزة الفعلية وتستفيد منها،

دقة أعلى على عكس الجيل السابق، سرعة تحديث تخليك تنافس لاعبين PC

 

لو عندك شاشة ألعاب ما راح يكون لها فائدة واضحة لك لما تستعمل سلك HDMI 2.0 مع واحد من الأجهزة الجديدة

حتى لو ما عندك جهاز ألعاب يدعم النوع الجديد من السلك، يبقى الجيل الجديد قادر إنه يؤدي مهمته الرئيسية لكن للأسف راح تكون تستعمله كسلك من الجيل السابق.

 

لكن هذا يعني إنك لما تروح تشتري سلك لأي سبب من الأسباب، خلي خيارك الأول هو الجيل الجديد، حتى لو ما منه فائدة اليوم

لأنه لما تشتري شاشة ألعاب قادرة تشغل 4K حقيقي وسرعة 144Hz مع جهاز ألعاب من الجيل الجديد، سلك HDMI 2.1 يكون حاضر لما تحتاج ترفع الدقة وترفع معه مستوى لعبك ومتعته.