رجعت لأصولها | Far Cry 6
اللعبة الشهيرة رجعت بجزء جديد
تدور أحداث القصة في جزيرة يارا، تحت حكم من الديكتاتور "أنتون" واللي هو العدو الرئيسي في اللعبة مع ابنه "دييغو"
وشخصيتك هي "داني" اللي راح تنضم إلى حركة المقاومة لتحرير يارا من الحكم الديكتاتوري
القصة من أولها تحمس
على عكس الجزء الرابع والخامس، حسيت إنه أول 40 دقيقة من اللعبة فعلًا أثار فضولي لتكملة اللعبة
لكن زي العادة في سلسلة Far Cry القصة لها طابع حلو وستايل روائي جميل جدًا، وفريق رائع من الممثلين منهم الشخصية المشهورة من مسلسل Breaking Bad صاحب سلسلة مطاعم "بولوس"، امبراطور المخدرات "جوستافو" أو Gus من الممثل "Giancarlo Esposito"، الأداءات كانت رائعة والقصة من بدايتها مثيرة.
وعشان تحصل على أفضل أداء تمثيلي من شخصيتك في اللعبة، اختر شخصية "داني" البنت مو الولد. (كلهم إسمهم داني فهذا شي مثير للاهتمام"
والصراحة هذا شي افتقدته بالأجزاء السابقة، اللي هو إن شخصيتك تتكلم وتتفاعل مع بيئة اللعبة والشخصيات الأخرى، مو مثل السابق في الجزئين الرابع والخامس اللي شخصيتك فيهم ساكتة وما تتكلم نهائيًا.
كيف رجعت لأصولها؟
من بداية اللعبة وفكرة إنك في جزيرة تشابه الجزيرة في الجزء الثالث، والبيئة الاستوائية تخليك ترجع وتقارن بينهم.
حتى أسلوب اللعبة، البداية تذكرني ببداية الجزء الثالث، اللي كثير من الناس متفقين إنه أفضل جزء من السلسلة (للتوضيح: فيه ناس تقول الجزء الثاني)، أسلوب التخفي والتسلل مع أحد الشخصيات، في مكان مظلم كله فوضى العساكر والجنود، والدموية في اللعبة تشابه كثير الجزء الثالث.
المهام الجانبية… صارت ممتعة أكثر
أحد عيوب اللعبة السابقة إن المهام الجانبية كانت متشابهة كثير، وهذا اللي خلاها شي ممل مع الوقت.
وهنا مطورين اللعبة سمعوا لنا وأضافوا مهام جانبية كثيرة في Far Cry 6، لكن ما نسوا يخلونها متنوعة. المهام راح تتكرر أكيد بين فترة وفترة، لكن مع كثرة أنواعها ما راح تحس بالملل وأنت تسوي المهام الجانبية ورا بعضها.
أسلوبك في اللعب أنت تختاره
مهما كان أسلوبك في اللعب تقدر تجربه، لو كنت تحب التخفي وتعطيل أجهزة الإنذار وقتل الأعداء بهدوء، أو تستعمل أي مركبة من المركبات الكثيرة والمتنوعة اللي تقدر تعدلها، بالدرعمة على الأعداء وقتلهم وتصنع مجزرة،
تقدر تسويها ما فيه شي يمنعك، وحتى الأعداء يضيفون لك نوع من التحدي لأسلوبك، تنوع دروعهم يخليك تتحدى نفسك، لأنه مو أي سلاح تقدر تستعمله على كل الأعداء وتقتلهم من أول طلقة أو طلقتين.
فقبل ما تختار أسلوبك، لازم تعرف عدوك، وهذا التحدي بحد ذاته ممتع.
وتقدر تستفيد من أشياء كثيرة داخل اللعبة، مثل فكرة الرفاق (أو Amigos) هم الحيوانات اللي تجمعهم خلال اللعبة وتقدر تستفيد منهم، سواءً يحاربون معك، أو ممكن يشغلون العدو عنك لفترة قصيرة.
أو اختر شخص عنده اللعبة والعب معه في طور اللعب التعاوني الأونلاين، بحيث تقدر تخلي هجومك تكتيكي بخطة محكمة، أو دعم لك لما تدرعم على الأعداء.
اعرف نسختك قبل تشتريها
إذا كنت من هواة السلسلة، فيه نسخة "Ultimate Edition" اللي راح تعطيك البطاقة الموسمية أو Season Pass مع كامل المحتوى الإضافي للعبة (Jungle Expedition pack, the Croc Hunter pack, and the Vice pack)، اللي يخليك تلعب اللعبة لمدة أطول بمتعة أكثر.
أو نسخة "Yara Edition" راح تعطيك البطاقة الموسمية بالإضافة إلى محتوى إضافي (the croc hunter pack)
نسخة "Gold Edition" تعطيك البطاقة الموسمية لحالها
اطلب النسخة اللي بخاطرك من هنا واشحن حسابك بأي جهاز
القصة الأساسية موحدة لكن اللي يفرق هو بعض الإضافات على كل نسخة، صحيح انها قليلة لكنها تزيد من المتعة!