الألعاب صارت أكثر من السابق، ومع تطور التقنية صرنا نشوف الألعاب على أكثر من منصة.

كنت من زمان لازم ترجع للبيت ولا تروح لبيت صديق عشان تلعب، والحين وصلنا لمرحلة تكون الألعاب في جوالك!

 

وأكيد الشركات راح توفر لنا خيارات بمواصفات تقنية عالية، تعطيك أفضل أداء في الألعاب وين ما كان مكانك، لأنها في جوالك

 

مرحلة جديدة لجوال الألعاب

فكرة جوال الألعاب مو فكرة جديدة، لكن خل نقول إن "جوال تيلو" أخذها بخطوة قوية

 

هنا أنا ما راح أتكلم لك عن المواصفات التقنية للجوال لأنها عالية جدًا بكل صراحة وما راح تواجهك أي مشكلة معها، لكن بتكلم عن الميزات اللي يحتاجها أي قيمر يحب ألعاب الجوال، ووش السبب اللي يخلي الناس تسميه: جهاز ألعاب تقدر تستعمله كهاتف

تسوق جوالات القيمنق هنا

بطاريات في مكانها الصحيح

ما غلطت لما كتبت في العنوان "بطاريات" لأن جوال تيلو يحتوي على بطاريتين بمجموع 5000 ميلي أمبير

لما تمسك الجوال بشكل أفقي، راح تكون البطاريتين موزعة على الجانبين على مسكة يدك

ولأن المعالج والقطع اللي تصدر حرارة الجوال ممكن تسبب مشكلة لما تلعب، فمكانها صار في وسط الجوال.

 

يعني يدك ما راح توصلها الحرارة مهما طولت في اللعب وراح تكون تجربة لعب مريحة، لأنها تعطي توازن بين الجهتين من الجوال (إذا كنت تلعب بشكل أفقي، لأنه في النهاية جوال قيمنق)

وراح تطول أكيد، لأن مع التصميم المريح، الجوال يعطيك مدخلين شحن… بالضبط مدخلين شحن مو واحد

والشاحن اللي راح يجيك مع الجوال يعطيك مخرجين وسلكين USB-C للشحن، وباستخدامه مع السلكين في نفس الوقت، يعطيك سرعة شحن تقدر توصل الجوال من بطارية فاضية إلى كاملة خلال 30 دقيقة بس!

 

شي خرافي على جوال قيمنق!

 

 أزرار إضافية على الجوال

شفت أكيد الاكسسوارات اللي تعطيك إمكانية إضافة زر خارجي لتجربة لعب سلسلة وممتعة أكثر، الجوال هنا يعطيك هذي الأزرار في نفس الجوال، راح تحصلها على طرفين الجوال العلوية (مثل أزرار R2,L2 في البلايستيشن) 

 

تقدر تبرمجها بأي شكل تحبه في الألعاب مثل PUBG وراح تعطيك تجربة أفضل وقت لعب.

اكتشف افضل ألعاب الجوال هنا 

 

خاصية الإهتزاز مثل اليد في ألعاب الكونسول..

هذي ميزة حلوة، تعرف لما تطلق على عدو في أي لعبة شوتر؟ وحده من أفضل التجارب اللي تحس فيها وقد تكون بسيطة لكنها ملحوظة، اللي هو اهتزاز اليد مع كل طلقة.

في جوال تيلو خاصية الاهتزاز صارت قريبة من تجربة اليد، باستخدام محرك اهتزاز في الجوال يتوافق مع الألعاب بالشكل المناسب، مثلًا في ألعاب المغامرات لما تصدم في شي أو تطيح من مكان عالي راح تحس بالاهتزاز بالجوال، وراح يضيف لتجربة اللعبة أكثر.

 

وبالمناسبة زي نمط الجوال، فيه محركين اهتزاز مو واحد، وكل واحد منهم في جهة من الجوال عشان يوصل الشعور بشكل متوازن لكل يد.

 

ألعابك واضحة وسريعة بالشاشة

في ناس كثير أداء اللعب يفرق معهم لما تعطيه شاشة بسرعة تحديث عالية (Refresh Rate)

و جوال تيلو ما نسى يضيف هذي الميزة المهمة.

وزي العادة لأنه فعلًا جوال ألعاب، سرعة التحديث تتعدى كثير من الجوالات العادية، اللي توصل سرعة التحديث فيها إلى 120Hz، هنا جوال تيلو وصّلها إلى 144Hz، يعني تأكد إن مستواك راح يرتفع لما تكون الشاشة تساعدك بسرعتها ودقتها.

 

تقدر تسوي لايف ستريم بأي مكان

لأن الجوال يدعم 5G فطبيعي إنه سرعة النت راح تكون أعلى، بس مو شرط تستفيد منها باللعب فقط.

تقدر تسوي بث مباشر وين ما كنت باستخدام البرامج المثبتة في النظام الأصلي، بدون إضافات وعبث بين البرامج، وتقدر تبث للمنصة اللي تناسبك، سواء كانت قناتك على اليوتيوب أو مع جمهورك في تويتش.

وفوق كذا يسمح لك النظام إنك تصور نفسك وأنت تلعب وتبث بنفس الوقت، يعني الجوال راح يصورك من الكاميرا الأمامية ويضيفها مع تصوير الشاشة للعبتك، ويبثها بشكل مباشر.

 

وش يعني طيب؟ معناها لو كنت شخص يسوي بث كل يوم أو كل أسبوع، تقدر تسافر لفترة وتكمل تسوي بث من أي مكان وتستمع مع متابعينك في أي وقت.

 

هذا فعلًا جوال؟

جلست أشوف في الجوال والصراحة إنه فعلًا خيار حلو، يعني ما تنقصه المواصفات العامة في الأجهزة الثانية مثل الأداء، من وجهة نظري، إذا كنت قيمر وتبغى التجربة الكاملة وين ما رحت، أنا أشوف إنه خيار ممتاز.