المسرح المنزلي هو أقرب طريق للتحسين جودة الصوت في تلفزيونك بدون ماتغير التلفزيون, الطريقة مباشرة وسهلة لكن نتائجها أسطورية بالصوت وممكن مع أضافات بسيطة تخلي الصوت محيطي وتوزعه بشكل زي السينما وهذا غير شكلها الأنيق بأي غرفة; لكن مع كثرة أنواع وأشكال وتوفر المسارح المنزلية المتوفرة بالمحلات والمتاجر الإلكترونية. كيف تختار؟ هدفنا من هذا المقال نعطيك أهم المعلومات والفروقات وأنت تحدد النوع اللي يناسبك بناء على ميزانيتك والمساحة اللي عندك ونوع المحتوى اللي تشوفه بالتلفزيون وبرضو يعطيك تجربة سنمائية في بيتك وأكثر. كمّل قراءة المقال وتعلم أكثر عن المسرح المنزلي. 

 

ماهو المسرح المنزلي؟ 

 

المسرح المنزلي هي مجموعة سماعات تكون تحت أو حولين التلفزيون وتعطيك صوت سماعات استريو أو صوت محيطي يتكون عادةً من خمس سماعات على الأقل مع سماعة تضخيم الصوت (Sub-woofer) لتترددات الصوت المنخفضة وجهاز مستقبل يربط السماعات بالتلفزيون والمصدر الثالث سواء كان بلايستيشن ولا اكس بوكس ولا أي شيء يشغل محتوى وظيفة المستقبل إنه يحلل الصوت ويرسله للسماعة الصح.

 

 يتميز المسرح المنزلي عن أي سماعة أو ساوند بار بنمط الصوت المحيطي, الصوت يكون مطابق للعرض اللي تشوفه بالشاشة لكن تسمعه من اتجاهات مختلفة وهذا يعطيك شعور العمق بالصوت وكأنك داخل الحدث اللي تتفرجه. دقة التفاصيل تجيك من اختلاف ترددات الصوت من أساس عميق إلى عُلو حاد وبتدرج مذهل؛ لكن عيبه إنه ممكن يكون غالي في أغلب الأحيان ويتطلب مساحة وأسلاك. 

أيش هو الساوند بار؟ 

 

ساوند بار (Soundbar) او جهاز واحد يحتوي على سماعات صغيرة بداخلة عادةً يتركب فوق أو تحت شاشة التلفزيون. الوحدات اللي داخله تشكل مجموعة سماعات مسؤولة عن دقة الصوت واتجاهه وتوزيعه بطريقة استريو أو محيطية. شكل الساوند بار كأنه سماعة وحدة لكن هو أكثر من سماعة بجهاز واحد. 

 

وظيفة الساوند بار أنه يساعد على تحسين صوت شاشة التلفزيون بصوت أعلى وأدق وأقوى من سماعات التلفزيون نفسه وبرضو يوزع الصوت بطريقة محاكية للصوت المحيطي عن طريقة تقنيات مختلفة مثل تقنية تحليل الإشارة الرقمية (DSP) أو تقنية Psychoacoustics وهي تعمل على كيفية تلقي الإنسان للصوت من حوله وتقنية الصوت المساحي مثل دولبي اتموس و DTS:X وبعض الساوند بار تجي مع سماعات لاسلكية تحطها خلف مقعدك لصوت محيطي حقيقي لكن الغالبية من الساوند بار هي سماعات بجهاز واحد طويل. 

 

أهم مميزات الساوند بار هو بساطته وسعره عادةً يكون أقل من المسرح المنزلي. بس عيوبه أنه مايعطيك دقة الصوت نفسها من المسرح المنزلي ويواجه في الغالب صعوبات في الأصوات العالية مره أو المنخفضة مره والمحيطية اللي يقدمها الساوند بار هي افتراضية فقط بعكس محيطية المسرح المنزلي. 

 

 

 

ممكن تواجه صعوبة بالاختيار بين الأثنين لكن إذا مهتم بهالموضوع وناوي تشتري هذي أهم الأشياء اللي لازم تركز عليها لما تجي تختار مسرح منزلي أو ساوند بار أو أي جهاز لتحسين جودة الصوت في شاشتك. بس قبل هذا لازم تعرف أنه مافيه جواب قاطع تماماً يحدد الأفضل يعني حتى الأفضل يمكن تلقى فيه عيوب وبالنهاية اختيارك يعتمد على ذوقك بنتيجة الصوت النهائية وممكن اختيارك يختلف عن غيرك بناء على المساحة اللي عندك, وميزانتيك وتفضيلاتك الشخصية. 

 

وأهم هذي العوامل هي: 

جودة الصوت: إذا اللي يهمك فقط جودة الصوت فالمسرح المنزلي خيارك الأول بتعدد السماعات دقة الصوت والأبعاد والعمق هي الأفضل. تجربة سنمائية تغمسك بأي شيء تسمعه. 

 

التكلفة: صح المسرح المنزلي جودة الصوت فيه مذهلة لكن بشكل عام تكلفته غالية حتى لو كنت بتوفر فيه ممكن تحتاج رافعات للسماعات وريموت له واكسسوارات فالحل الأبسط والأسرع للصوت بجودة جميلة هو الساوند بار. 

 

المساحة: إذا كان عندك مساحة صغيرة فالأفضل أنك ماتختار المسرح المنزلي لأن رغم قوة آدائه إلا أن كثرة السماعات والأسلاك اللي الأغلب يبغى يغطيها ماتساعد اللي عنده مساعة صغيرة. لكن إذا شاشتك كبيرة ومساحتك كبيرة فهو خيارك الأفضل. 

 

المصادر: المسرح المنزلي يرتبط بمصادر صوتية أكثر من الساوند بار باختصار تقدر تشغله على أكثر من جهاز بمساعدة المستقبل أما الساوند بار فبيشغل من مصدر واحد بنفس الوقت ولازم تفصله عن المصدر الأول إذا تحتاجه على المصدر الثاني مثل سماعة البلوتوث. 

 

باختصار المسرح المنزلي والساوند بار هي أفضل خيارات الصوت الحديثة لأي شاشة وأي نظام تشغيل مرئي ومسموح الفروقات بينها عرضناها بشكل مفصل في هذا المقال. المسرح المنزلي يتميز بدقة وعمق محيطية مذهلة للصوت لكن قد يكون مكلف وغالي وتركيبة صعب أما الساوند بار يعطيك تجربة صوت حلوة على أقصى مميزاته ويناسب المساحات والغرف الصغيرة وتركيبه سهل؛ لكن يفتقر لعنصر الدقة المحيطية بالصوت. وبالنهاية الاختيار يعتمد على كل العوامل اللي الأغلب ياخذها بالحسبان قبل الشراء مثل التكلفة والمساحة والمصدر والاختيار يفرق من شخص لآخر.