كلنا عرفنا أو سمعنا عن الجهاز الهجين النينتندو السويتش. اللي تقدر تلعب فيه على التلفزيون أو كجهاز محمول. نزل في 2017 وصار أحد أشهر أجهزة الألعاب في العالم. والنينتندو سويتش فيه العاب منوعة وأكيد فيه العاب تناسبك. وفي هذي المقالة بنتكلم بشكل مختصر عن 10 من أهم الألعاب اللي لازم تجربهم لو كان عندك النينتندو سويتش وحتى لو بتشتريه بعد فترة.

The Legend of Zelda: Breath of the Wild

أسطورة زيلدا: نفس البرية

 

لعبة مغامرات في عالم مفتوح تسمح لك تستكشف مملكة هايروول الكبيرة. تقدر تتسلق الجبال, وتحلّق بالهواء, وتركب خيول, وتطبخ, وتحل ألغاز, وتحارب, وتكتشف أسرار كثيرة. لعبة زيلدا هذي تعتبر من أفضل الألعاب اللي نزلت والسبب هو رسوماتها وتصميمها المبدع اللي يخلون اللعبة رهيبة.

 

Super Mario Odyssey

سوبر ماريو أوديسي

 

لعبة منصات ثلاثية الأبعاد تاخذ ماريو في رحلة حول العالم عشان ينقذ الأميرة پيتش من باوزر الشرير. وبهذي الرحلة بتقدر تستخدم قبعة ماريو. تقدر تخليها تمسك وتتحكم بأشياء كثيرة, من ضمنها الحيوانات والأعداء. بتتحكم فيهم وبقدراتهم ومزاياهم. وبتقدر تجمع أقمار كثيرة عشان تقوّي سفينتك الجوية وتفتح عوالم جديدة. رسومات اللعبة وألوانها اللي تشرح الصدر, والموسيقة المبهجة هم أكثر الأشياء اللي اللاعبين حبوها في اللعبة.

 

Animal Crossing: New Horizons

أنيمال كروسينغ: نيو هورايزون

 

لعبة تسمح لك تسوي جزيرة أحلامك. تقدر تخصص شخصيتك, وبيتك, والجزيرة نفسها. وتقدر تتفاعل مع القرويين الحيوانات, وتصنع الأشياء, وتزرع ورود, وتصيد أسماك, وتحفر أحافير. وسبب نجاح السلسلة هذي أجواء اللعبة المريحة, وشخصياتها الحلوة, وإمكانياتها اللامتناهية.

 

Super Smash Bros. Ultimate

سوبر سماش برذرز ألتميت

 

لعبة منصات قتالية فيها أكثر من 80 شخصية من ألعاب نينتندو وغير نينتندو. تقدر تضارب 8 لاعبين كحد أقصى في أطوار ومراحل مختلفة. وبإستخدام الأشياء العشوائية اللي تطلع بالمرحلة أو بإستخدام ضربتك القاضية, ممكن تقلب نتيجة المباراة. تقدر تلعب أونلاين مع أصدقائك أو ناس ما تعرفهم. اللي يميز اللعبة هذي الكم الهائل من الشخصيات اللي تقدر تلعبها وطريقة لعبها السلس.

Luigi’s Mansion 3

لويجي مانشن 3

 

لعبة أكشن مغامرات فيها لويجي بيستكشف فندق مسكون مع مرافقة الأمين المكنسة بولترغاست. تقدر تستخدم بولترغاست عشان تسحب الأشباح, وتضربهم, وتنفخ هواء, وتطلق عليهم المكبس الغطاس. وتقدر بعد تلعب بجويجي, النسخة اللزجة من لويجي اللي تقدر تزلق بالفتحات الضيقة وتتجنب بعض المخاطر. تقدر تلعب لحالك أو مع صديق وتجرب الأطوار الجماعية مثل سكير سكرابر وسكير بارك.

 

 

Fire Emblem: Three Houses

فاير إمبلم: ثري هاوسيس

 

لعبة تقمص أدوار استراتيجية تعطيك الخيار انك تختار من بين ثلاث بيوت في عالم مليان صراعات وحروب. فيها بتدرب طلابك وتحسن علاقتك معهم وبتتخذ قرارات تؤثر على مصيرك لأنك بتقود جيشك في معارك تعتمد على الأدوار. واللعبة فيها استكشاف أسرار المكان اللي تعيش فيه وتطور مهاراتك وقدراتك. تتميز اللعبة بقصتها الغنية, وشخصياتها وطريقة لعبها الممتعة.

 

Hades

هيدز

 

لعبة تقمص أدوار تعتمد على الإعادة والتجربة. تروي لنا قصة زاغريوس ولد هيدز وهو يحاول يهرب من العالم السفلي. في كل محاولة هروب بتدخل أدوار أو غرف فيها وحوش مولدة عشوائيًا وسلاحك بيكون عشوائي بعد. تقدر بعد تتكلم مع شخصيات كثيرة وتتعرف أكثر عن قصص الشخصيات والعالم السفلي, وتطور مهاراتك. واللعبة حازت على جوائز كثيرة بسبب رسوماتها, والأداء الصوتي, والموسيقى, وكون انك تقدر تعيدها أكثر من مره بدون ما تمل.

 

 

Mario Kart 8 Deluxe

ماريو كارت 8 ديلوكس

 

لعبة سباق سيارات فيها أكثر من 40 شخصية من ألعاب نينتندو مختلفة و 40 خريطة مختلفة. وعشان تزيد فرصك بالفوز تقدر تفحّط, وتستخدم الأشياء اللي في المضمار. وتقدر تلعب أونلاين مع الى 12 لاعب, أو تلعب محلي وتلعب أطوار مختلفة. اللعبة هذي محبوبة لأن محتواها ممتع.

 

Hollow Knight

هولو نايت

 

لعبة بطلها فارس يستكشف مملكة ضخمة وغامضة سكانها حشرات. الفارس بيستكشف أماكن جديدة وقدرات جديدة ويكتشف أسرار و يقاتل زعماء بإستخدام سلاحة المسمار والتعاويذ. وتقدر بعد تجمّع أثار وأقنعة عشان تعزز قوتك وتخصص اسلوب لعبك. اللعبة تتميز بجوها وصعوبتها وعمقها.

 

Celeste

سيليست

 

لعبة منصات فيها البطلة مادلين وهي تتسلق جبل مُتعب. تقدر تنط وتتسلق وتحاول تتجنب كل العقبات الصعبة.

وتقدر تجمع فراولة, وأشرطة, وقلوب عشان تفتح محتويات وأطوار إضافية. الجميل في اللعبة طريقة التحكم فيها, و

تصميم المراحل, وصعوبتها, وقصتها.

 

بشكل عام يتميز جهاز نينتيندو سويتش بألعابه المميزة وبالرغم من إننا ذكرنا أفضل وأكثر الألعاب شعبية وأكبرها لكن ستور نينتيندو يتميز بألعاب كثير إندي Inde متنوعة وكثيرة والاختيار مايتوقف عند هذي الألعاب القائمة تطول بالألعاب الرهيبة على نينتيدو سويتش.