أفضل 10 ألعاب جماعية
Share
⇦ Back
كل تجمع عائلي أو جلسة اصحاب تحتاج لعبة ممتعة تقضون فيها وقتكم و تستمتعون. بس مو كل الألعاب تناسب عائلتك واصحابك بعضها يعتبر ممل لهم وبعضها محتواها مو عائلي. في هذي المقالة جمعنا لكم افضل الالعاب اللي يمكن تلعبها مع صديقك او عائلتك وتستمتع فيها.
It Takes Two -1
ات تيكس تو من أشهر الألعاب التعاونية اللي تقدر تلعبها. اللعبة تتطلب شخصين اونلاين او بجهاز واحد. كل شخص منكم بيمسك دور الزوجين ماي و كودي, وتحاولون تحلون مشاكلهم الزوجية مع بعض. اللعبة راح تاخذ وقت عشان تختمها لكن طريقة اللعب ممتعة جداً وبتعجب اللي يهمه التفاصيل ويأخذ وقته باللعبة وقصتها. أخذت جائزة لعبة السنة من الأبداع اللي تقدم فيها والتنوع بكل مرحلة وكأنهم يقولون لك مستحيل تمل!
متوفرة على : PS4, PS5, PC, Xbox One, Xbox Series, Nintendo Switch
التصنيف العمري +12
Overcooked-2
اذا تبي تعيش تجربة الطباخين مع اصحابك هاللعبة هي خيارك. أربع لاعبين أو أقل راح يطبخون مع بعض ويجمعون اكثر نقاط عشان يفوزون, او يلعبون ضد بعض يتنافسون على الفوز. اللعبة لها جزئين وكلها ممتعة وفوضتها مضحكة.
متوفرة على منصات: PS4, PS5, PC, Xbox One,Xbox Series,Nintendo Switch
التصنيف العمري 3+
طفشان اخر الليل ولا بعد الدراسة وكل اصدقائك نايمين ولا مشغولين؟ ماعليك لا تنتظر أحد!
تدري أن تطبيق لاعب عنده خاصية تلقى لك أحد يلعب معاك بأي لعبة تبيها وبأي وقت!!
وتخيل أنه حتى لو مالقيت اللعبة اللي تبيها تقدر تطلب أضافتها على كمية الألعاب الموجودة
3- سلسلة Just Dance
جست دانس هي لعبة محاكاة رقص تنزل سنوياً مع اغاني و حركات جديدة. تقدر تلعبها لحالك أو خمس اشخاص سوا. والحلو ان بالاجزاء الاخيرة ماصارت تحتاج كاميرا عشان تلعب, كل اللي تحتاجه الكنترولر حق جهازك او حتى بجوالك عن طريق تطبيق اللعبة. اللعبة مسلية وتغير الجو وتنفع للجمعات العائلية.
متوفرة على منصات: PS4, PS5, PC, Xbox One, Nintendo Switch, App Store, Play Store
التصنيف العمري 3+
Mario Party Superstars -4
ماريو بارتي سوبرستارز من اجدد العاب ماريو وافضلها. اللعبة عبارة عن ميني قيمز أو ألعاب مصغرة تتنافسون من يفوز فيها. اللعبة تناسب الاطفال والكبار وخفيفة ,تقدر تلعبها مع اربعة اشخاص او حتى لوحدك ضد بوتات. مراحلها كثيرة ومختلفة والتحدي يتغير في كل مرحلة وميزتها أنك تقدر تختار أي مرحلة تعجبك.
متوفرة فقط على: Nintendo Switch
التصنيف العمري 3+
Crash Team Racing Nitro-Fueled -5
كلنا عندنا ذكريات مع لعبة كراش الشهيرة ومشاعر حلوة راح ترجع مع هاللعبة اللي تعتبر ريميك للعبة سباقات كراش القديمة على بلايستيشن 1. اللعبة تقدر تلعبها مع اربع اشخاص أو أقل أو حتى اونلاين او تتقاسم الشاشة مع اللي حولك وتتسابق معهم مثل ايام زمان.
متوفرة على:PS4, PS5, PC, Xbox One,Nintendo Switch
التصنيف العمري 7+
Mortal Kombat 11 -6
مورتال كومبات من اقدم العاب القتال و الكل يعرفها. تقدر تلعبها مع ثلاث اشخاص اونلاين او بجهاز واحد او لحالك ضد بوت, الحلو فيها انها سريعة والقيم الواحد ممكن ياخذ منكم ثلاث دقائق بس. ممتعة وحماسية وتنفع للي يحبون الاكشن والقتال.
متوفرة على: PS4, PS5, PC, Xbox One,Nintendo Switch
التصنيف العمري 18+
A Way Out -7
لعبة من نفس مطورين ات تيكس تو, لكن هاللعبة أثقل وقصتها أعمق ومو عائلية. اللعبة ثنائية تلعبها مع صديق اونلاين او بنفس الجهاز وراح تتساعدون عشان تهربون من السجن وتعيشون التوتر والاكشن في كل دقيقة باللعبة.
متوفرة على: PS4, PS5, PC, Xbox One,Xbox Series
التصنيف العمري 18+
Unravel Two -8
انرافل تو لمحبين الألغاز الخفيفة وتقضية وقت لطيف مع صديقك أو فرد من عائلتك سواءً اونلاين او بنفس الجهاز. اللعبة مو صعبة وأجوائها جداً لطيفة تنفع للاسترخاء وتقدر تلعبها لوحدك لكن ماراح تكون بنفس المتعة.
متوفرة على: PS4, PS5, PC, Xbox One,Nintendo Switch
التصنيف العمري 7+
9- سلسلة We Were Here
اذا كنت تبي لعبة تشغل مخك فيها مع صديقك هالسلسلة بتناسبك, اللعبة ثنائية راح تحطك انت وصديقك بغرف مختلفة وتتواصلون مع بعض عن طريق جهاز اللاسلكي. كل واحد منكم بيساعد الثاني يطلع من الغرفة اللي هو محبوس فيها والالغاز بتكون نوعاً ما صعبة.
متوفرة على: PS4, PS5, PC, Xbox One, Xbox Series
التصنيف العمري 7+
10- (مغامرة فتى) Sackboy: a Big Adventure
ترجع لنا شخصية الدمية من لعبة ليتل بيق بلانت بحلة جديدة على اجهزة الجيل الجديد. اللعبة تناسب الاطفال والكبار ومراحلها ممتعة ومتنوعة. تقدر تلعبها مع اربع اشخاص اونلاين او بنفس الجهاز.
متوفرة فقط على: PS5,PS4
التصنيف العمري 7+