كيف تبدأ قناة ناجحة باليوتيوب

 

صار عمل قناة يوتيوب والربح من محتواها سواء كانت قناة قيمنق أو قناة تنشر أي محتوى ثاني حلم يحلمه كثير ناس في الوقت الحالي، خاصة لأنهم يعتقدون إن قنوات اليوتيوب تكسب فلوس بدون أي مجهود أو تعب، أو لأنهم فعلاً بيحبون مجالهم ويبغون ينشهرون بهذا المجال. لكن عدد كبير من اللي بيبدأون ما بيكملون فيها لأنهم مو عارفين الطريقة الصح لتكبر قناتهم، ,وناس ثانية يخافون إنهم يبدأون لأنهم يعتقدون إن الوقت صار متأخر واللي نجح نجح من زمان.

هنا بنعلِّمكم إن الوقت ما تأخر وأي شخص يقدر يسوي قناة اليوم ويبدأ فيها من الصفر لين ينشهر، وبنكتبلكم كيف تحققون هذي الشهرة وإيش أفضل الاستراتيجيات اللي لازم تسوونها عشان تنجحون بقناتكم اليوتيوب وتخلونها تكبر مع الوقت: 

 

• المحتوى الخاص بالقناة - حدد نوع محتوى واحد لقناتك وتخصص فيه، كثرة الموضوعات اللي يتكلم فيها اليوتيوبر اللي ببدايات مسيرته المهنية بتخليه يتشتت وتصعّب الموضوع على المتابعين بعد؛ خاصة إنهم لسى ما يعرفونه بشكل كبير وما يعرفون إيش يتكلم

 

• أما لو كان يتكلم بموضوع واحد ببداياته؛ فبيكون سهل ينعرف بهذا الموضوع وبأسلوبه وكيف إنه متقن كل شيء متعلق فيه وطرحه عنه له أسلوب مختلف.. من هنا؛

 

نقدر نقولك إنك لو قررت تسوي قناة يوتيوب للقيمنق فابدأ بموضوع واحد أو بلعبة وحدة وواستمر تتكلم عنها وعلّم الناس عن اللي تعرفه فيها؛ لين تنشهر بهذي اللعبة ويصير لك اسم معروف بين لاعبين ومشاهدين هالموضوع على الأقل.

 

بعدها تقدر تتوسع لمواضيع مشابهة ثم تتوسع أكثر وأبعد عن موضوعك الأصل. وتذكر أن المحتوى والتميز والجودة أكثر شيء يأثر على مسيرة اليوتيوبر. 

 

• أدوات التصوير- مع إن أدوات التصوير مو لازم تكون غالية جداً في البدايات، لكن مهم تكون جودتها واضحه وثابته عشان تقدر تبرز الاحترافية وتشد نظر اللي بيشاهدونك. المقصود هنا بأدوات التصوير هم المايك، الكاميرا، والميكروفون.

 

• تحسين المحتوى لمحركات البحث - لو ما كنت تدري، فاليوتيوب مثله مثل جوجل يحتاج لكل مقطع فيديو تنزله عليه تحسين لمحركات البحث عشان يقدرون الناس يلقونك عليه. لكن طبعاً التحسين باليوتيوب بسيط. 

 

كل اللي عليك إنك تكتب كلمات بحث رئيسية وكلمات متعلقة بالمحتوى اللي تنشره على الفيديو حقك؛ عشان توصل لجمهور أوسع لما يبحثون عن هذي الكلمات

 

• التسجيل ببرنامج شركاء اليوتيوب- يساعدك التسجيل بهذا البرنامج على فهم قناتك بشكل أكبر، ويمكنك من تحقيق ربح مادي وتتبع احصائيات قناتك بطريقة مفصلة أكثر.

 

 

طبعاً كل الخطوات الموجودة تحتاج لوقت وصبر وسعي وأكيد استشارة من اللي حولك وإذا تعرف يوتيوبرز قديمين تسألهم وتستشيرهم، ومحد بصير يوتيوبر بين يوم وليلة، كل اليوتيوبرز اخذوا وقت طويل وقضوا أوقات طويلة يشتغلون على المحتوى والتصوير والإنتاج ويدرسون إحصائيات قناتهم ويحسنون عليها مع الوقت ويجربون أفكار جديدة.

 

ونذكرك دائماً إنك لو كنت قيمر وقررت تصير يوتيوبر لقيم وحدة فلازم ما يكون محتواك متكرر ولازم تركز على التنويع بين تسلية وتثقيف وتحميس القيمرز الباقيين عشان يحبون قناتك ويتابعونك باستمرار.

 

وتذكر إن كل ماكنت على طبيعتك, مميز ومحترم ومواضيعك جذابه وأسلوبك وصوتك واضح شهرتك بتكون مفتاحك للتعاون مع أسماء كبيرة ومصدر دخل جديد.