كيف تحقق أقصى استفادة من اشتراكك بالقيم باس

كيف تحقق أقصى استفادة من اشتراكك بالقيم باس

قد فكرت بالتنويع باللعب بين كثير ألعاب يلعبونها الناس وكان الدفع واقف بطريقك؟ طبعاً إنك تشتري كل الألعاب المتوفرة على إكس بوكس شيء مكلف وصعب؛ لأنك يمكن تشتري لعبة وتطفش منها بعد فترة قصيرة أو ممكن ما تعجبك اللعبة أساساً! عشان كذا شركة مايكروسوفت سوّت شيء اسمه قيم باس…واللي بنعلِّمكم عنه كله في هذا المقال: إيش هو، من وين تقدر تشتريه، أكثر الألعاب شعبية عليه، وكيف تحقق أقصى استفادة من اشتراكك.

إيش هو القيم باس؟

الكلمة المتداولة قيم باس مأخوذة من "إكس بوكس قيم باس" أوXbox Game Pass واللي هي عبارة عن اشتراك شهري يدفعه المستخدم عشان يوصل لقائمة متجددة باستمرار لأكثر من 100 لعبة من ألعاب إكس بوكس ستور. مهم تعرف إنك تقدر تستخدم هذا الاشتراك سواء كنت تلعب على اكس بوكس أو حتى بي سي، أو حتى الاثنين مع بعض.

من وين اشتري اشتراك القيم باس؟

تقدر تشتري اشتراك الإكس بوكس قيم باس من عدة متاجر محلية أو حتى أون لاين، لكن قبل لا تشتري مهم تتأكد من الأسعار والمزايا اللي يوفرها لك الاشتراك اللي راح تشتريه. طبعاً احنا في لاعب سهلنا عليك البحث و وفرنا لك السعر الأفضل لاشتراكين مختلفين في متجرنا يبردون القلب:

 

الاشتراك الأول: اشتراك اكس بوكس قيم باس التميت | Xbox Game Pass Ultimate: ينفع هذا الاشتراك لكل أنواع الـ PC والاكس بوكس، ويسمح لك باستخدام الـ Game Pass وGold Live وEA Access، وفوقها تقدر تستخدم الألعاب الحديثة اللي يتم إضافتها بشكل شهري، والألعاب الأكثر رواجاً، وتقدر بعد تلعب مع لاعبين ثانيين أون لاين، وتوصل لسحابة الإكس بوكس للألعاب… كل هذا بسعر 175 ريال بس ولمدة 3 أشهر.

الاشتراك الثاني: اشتراك اكس بوكس قيم باس | Xbox Game Pass: يوفر لك الوصول لأكثر من 100 لعبة تقدر تستخدمهم على كل أنواع الـ PC والاكس بوكس، تقدر تشتريه من لاعب باشتراك من اشتراكين مختلفين؛ الأول لمدة 3 أشهر بـ 129 ريال، والثاني لمدة 6 أشهر بـ222 ريال.

 

 

إيش أكثر الألعاب شعبية على القيم باس؟

ببساطة تقدر تعرف أحدث الألعاب وإيش أكثر الألعاب شعبية على القيم باس عن طريق إكس بوكس ستور، وتختار قائمة "كل الألعاب" بعدين تشوف قائمة أحدث الألعاب وأكثرها مبيعاً اللي تتحدّث باستمرار، وتقدر بعد تتابع مجتمع لاعب اللي تلقى فيها قيمرز يتكلمون ويتشاركون خبراتهم في اللعب والألعاب ويربطون حسابات ألعابهم بحسابهم في لاعب (خاصية زميلك في اللعب) عشان يلتقون مع أصدقاء جدد (وشلة جديدة) يجمعهم حب نفس اللعبة ويلعبونها مع بعض.

أمّا بالنسبة لأكثر الألعاب شعبية حتى شهر فبراير 2023، فهي:

1- Halo Infinite أو هيلو إنفنت: هي لعبة تصويب وتنلعب بشكل جماعي أون لاين، وهي الجزء السادس من سلسلة التصويب المشهورة Master Chief.، ففيها بترجع شخصية ماستر شيف الأسطورية كشخصية يقدر اللاعب يستخدمها، وبيستكشف بنمط العالم المفتوح حلقة الهالو وأماكن في فضاء الهالو.

2- لعبة Forza Horizon 4أو فورزا هورايزن 4: وهي لعبة سباق بعالم مفتوح، تخليك تاخذ مكان السائق وتتسابق مع أكثر من 450 سيارة وتستكشفون بريطانيا وتاريخها العريق، وفوق السباق تلقى باللعبة مهمات متنوعة عشان تعيش المغامرة لحالك أو مع أخوياك اللي بيقدرون يشاركونك اللعب.

   

3- Sea of Thieves أو سي اوف ثيفز: هي لعبة محاكاة للقراصنة، تنلعب مع عدة لاعبين أون لاين، وتخليك تتعاون مع طاقم السفينة وتتنافس مع لاعبين ثانيين للتجول بالمحيط والوصول للكنوز وغيرها من المغامرات. تتصنف كلعبة غموض بداخل عالم مفتوح.

 

4- FIFA 22 أو فيفا22: وهي لعبة كرة قدم بتقدم للقيمرز تجربة مُحسّنة مقارنة بالإصدارات القديمة، بتحصِّل بهذي النسخة وضعيات جديدة مع عدد أكبر من الأندية الحقيقية من كل العالم وبتقدر تلعبها لايف أو بتجربة حية.

5-Age of Empires II  أو أيج أوف إمبايرز:  هي لعبة حرب تاريخية تعيشك المغامرة على مر العصور و تدخلك في أجواء الحروب. تقدر فيها تخطط وتطوِّر استراتيجيات وتقرر الحروب اللي تبغى تخوضها أثناء وجودك جوا حضارات متنوعة زي الحضارة الرومانية أو الإسلامية وغيرهم كثير، مع قدرتك على تكوين أندية مع ناس ثانية بتلعب هذي اللعبة.  

 

كيف استفيد من اشتراك القيم باس حقي؟

 

ببساطة عشان تستفيد من اشتراك القيم باس حقك لازم تتابع  قسم "الألعاب الحديثة" وقسم "الأكثر مبيعاً" في الإكس بوكس ستور وتجرّب الألعاب اللي بتنزل كل فترة، ومهم بعد تستفيد من الخصومات الحصرية الموجودة على اكس بوكس ون، وتحمّل الألعاب عشان تقدر تلعبهم بدون إنترنت، وننصحك بالمشاركة مجتمع لاعب (بتحميل التطبيق من هنا للأيفون، للأندرويد) عشان تتابع كل جديد في عالم القيمرز.