نصائح سريعة تخليك محترف في كود

⇦ عوده

كول أوف ديوتي .. اللعبة اللي غالب الناس اشترت جهاز الألعاب لأجلها فقط، إما شافت صديق أو قريب أو حتى مقاطع في الإنترنت لها

وتحمست واشترتها لكن المشكلة وقت اللعب حصلوا نفسهم مو بنفس أسلوب لعب اللي ضدها، بل حتى المحترفين أحيانا ..

هم محترفين من كثر لعبهم أجزاء كود السابقة فتحصل التصويب عندهم ممتاز لكن أسلوب اللعب ليس إحترافي أو العكس تحصل التحركات والتفكير ممتاز لكن التصويب سيء

لذلك في هذا المقال راح نقولكم أفضل الطرق لتحسين لعبك في لعبة كود (Call of Duty):

الخرائط وأهمية معرفتها:

نبدأ بالخريطة لأنها أهم عنصر في كود، فإذا كنت شخص يعرف مداخل ومخارج وممرات الخريطة لا شعوريا لعبك راح يتحسن لأنه

بهذه الطريقة وبغض النظر عن الطور اللي انت تلعبه راح تتوقع أماكن الأعداء ومكان الريسبون اللي راح يطلعون منه وتكون متقدم على عدوك

خطوة وخصوصا في طور السيطرة (دومنيشين) راح يساعدك حفظ الخريطة في التحرك من النقطة A للنقطة C بأفضل طريقة.

اختيار الطور المناسب للعبك:

حاول دائما تلعب الطور اللي تستمتع فيه ويعجبك وغالبا هو طور البحث والتدمير (Search&Destroy) وهذا الطور على انه ممتع

إلا أن فيه الكثير من التوتر بس يبقى هو الأكثر لعبا في تحديات كود. بس برضو ما يمنع انك تلعب الأطوار الثانية اللي راح تساعدك في

فهم أسلوب اللعب السريع وتجربة أنواع أسلحة اللي ممكن تفيدك وتخدم أسلوب لعبك.

البيركات الصح للعبة الصح:

لعبة كول اوف ديوتي فيها بيركات كثير وخصائص تنضاف للجندي اللي تلعب فيه وللأسف فيه كثير مننا يعتمد المعروفة بدون ما يجرب

البيركات اللي تخدم أسلوب لعبه لأن المطورين حطوا أنواع كثير منها لأن لكل لاعب أسلوبه الخاص في اللعب، ولهذا السبب

جرب تغير فيها شوي وتخرج عن المعتاد يمكن بعضها يساعدك اكثر من اللي شخص ثاني اعطاك إياه.

لاتختبئ .. أتحرك دائمًا:

للأسف أكثر اللاعبين اللي يشوهوا اللعبة هم اللي يكونوا متخفين وراء جدار أو صندوق أو زاوية صحيح ممكن تذبح وتفوز بهذه الطريقة

لكن مو بهذه الطريقة راح تتعلم تصير لاعب محترف، بالعكس اللاعب المحترف يعرف كيف يتعامل مع هذا النوع من أساليب اللعب

لذلك النصيحة هي انك تكون لاعب متحرّك.. عشان يتحسن أداء لعبك وتتعلم تكنيك ردة الفعل السريعة عند ظهور عدو قدامك فجأة أو كيفية الضغط على الأعداء وتشتيتهم لذلك .. أتحرّك!

التصويب (الإيم):

إذا كان تصويبك سيء في كول اوف ديوتي ما هو مشكلة، المشكلة هو انك تلوم سرعة الإنترنت وتقول "والله بنق" دائما بدون الإعتراف بإن تصويبك سيء، ولهذا السبب كتبنا المقال.

طبعا فيه 3 حلول كثير لتحسين التصويب وهي:

1.التدريب

2.التدريب

3. التدريب

ايه نعم التدريب في الثلاث مرات لأنه لا تتوقع أبدا إنك راح تحط إعدادات مناسبة وفجأة صار تصويبك خيالي!

لكن قبل التدريب هو تجربة اعدادات تناسبك في سرعة الالتفاف للاتجاهات الأربعة وسرعة توجيه السلاح عند التصويب بعد ماتنتهي
لازم تتدرّب كثير وتثبت على الإعدادات لمدة طويلة، وما ننصح أبدًا إنك كل شوي تسأل فلان عن إعداداته وتحاول تقلده عشان تعتقد إن الاعدادات هي السبب في احترافيته
اذا انت تعودت على اعدادات معينة لفترة طويلة تلقائيا راح تصير فنان مع الوقت (حتى لو كان عندك لاق)
فيه بعض اللاعبين فعلا اذا صار الانترنت عنده سريع يضيع تصويبه والسبب ان تدريبه كان معتمد على الجزء من الثانية اللي فيه تأخير.

لاتلعب لأجل القتلات فقط .. ألعب للفوز:

النصيحة هذه يمكن ما تعجب فئة اللي يحبون التفاخر بعدد الكيل لأنه في الكثير من الأحيان ممكن أقل واحد مات في اللعبة كان أكثر واحد ضحى بنفسه عشان الفوز
إما يأخذ العلم في دومنيشن أو في لعبة سيرش يشتت العدو عشان فريقه يزرع القنبلة وهذه النقطة كثير من اللاعبين يجهلونها..
حاول دائما تلعب مع الفريق، حتى لو كنت محترف أسلوب اللعب مع فريقك راح يعلمك التكتيك للفوز اللي برضوا راح يحسن من أداء لعبك.
وهذه نصيحة جانبية (إذا كان في شخص في فريقك باقي لوحده في القيم حاول ما تشتته بتعليماتك) وهذا الشيء يتبع في النقطة القادمة.

التواصل مع الفريق:

في كود الكثير من اللاعبين يلعبون لوحدهم تحت شعار (انا ابي استمتع واسوي اللي ابيه)
هذا الشيء مو صحيح في تطوير لعبك، اللاعب الجيد هو اللي يتفاعل مع تعليمات الفريق ويعطي تعليمات تساعد فريقه
لأن في النهاية هو اسمه "الطور الجماعي" ليس "الطور الفردي" لذلك حاول دائم تنتبه لفريقك.

الحاسة التاسعة:

ليه التاسعة؟ لأن لازم يكون عندك أحاسيس كثير حتى توصل للاحترافية في لعبك أو خلينا نسميها (احساس الجُندي)
وهو انك تركز وتتوقع تحركات العدو بنفس الوقت اللي تسمع فيه تعليمات فريقك والأهم تركيزك في الخطوات ولازم تكون عندك سماعة جيدة حتى تقدر توازن هذا كله
برضوا تحاول تعرف نوع أسلحة اللي ضدك في أقل وقت زمني.. تشوف أسلوب لعبهم وتحاول تدرسه بسرعة إذا كان سنايبرات (بعيد) أو أسلحة قتالية قريبة زي الـAK-47 (قريب) أو كان أسلوب ركض (درعمة)
هذي كلها تعتبر من إحساس اللاعب المحترف اللي يعرف يتعامل بشكل سريع مع أيا كان أسلوب لعب العدو.

مشاهدة المحترفين:

لعبة كود من أكثر الألعاب مشاهدة في اليوتيوب وفي منصة تويتش وكثير اللاعبين المحترفين فيها من العرب والأجانب
لذلك تابع أيا كان اللي انت تنبسط على لعبه وتشوفه محترف، لأن من خلال المشاهدة راح تتعلم تحركاتهم وسرعة التصرف وكيف يتعاملوا مع الخريطة والأسلحة وهذا الشيء يساهم بشكل كبير في تطوير لعبك.

لاتعصّب .. استمتع:

حاول دائما في لعبة كول اوف ديوتي أو في غيرها تلعب مع اللي لعبهم حلو و تنبسط معاهم وأخلاقهم رياضية
ولاتحتك بالاعبين العصبيين اللي تحس معهم إنك تقدم مجهود ذهني وانت في النهاية تلعب كود للترفيه.