الألعاب ممكن تكون مصدر دخل لك
شارك
⇦ عوده
ضيعت وقتك وانت قاعد تلعب هالألعاب ! جملة ممكن 99% من الجيمرز إنقالت لهم .. ممكن يكون هالكلام صحيح لكن زمان مو الحين ،،
تخيل أن الشيء اللي تحبه وتعشقه في لعب لعبة معينة تقدر تخليه مصدر دخل إضافي لك وتستفيد منه..
الألعاب اليوم تقدر تطلع منها فلوس وانت قاعد تلعب في مكانك ، لدرجة في ناس كثير تخلوا عن وظائفهم وتفرغوا بشكل كامل للألعاب..
وبما إنك جيمر واغلب وقتك جالس تلعب ف ليش ما يكون وقتك اللي يقولون عنه انه قاعد يضيع تستفيد منه وتخليه مصدر دخل إضافي لك وعشان كذا
في هذه المقالة راح نتكلم عن اكثر من طريقة تخليك تقدر تستفيد مادياً من اللعب وتكسب من خلالها فلوس وانت قدام شاشتك تلعب
اليوتيوب
44٪ من محتوى الـ YouTube حول العالم موجه للألعاب الإلكترونية
ويعتبر الـ YouTube من أهم العوامل الاقتصادية المؤثرة اللي غيرت ملامح الربح وخلته بشكل ملموس بين الناس من خلال توزيع الأرباح بأرقام كبيرة جدا مقارنة بأي منصة أخرى
ولو شفنا على سبيل المثال صاحب المركز الأول على العالم في محتوى القيمنق اللي هو السويدي بيوديباي
الي قدر يجمع ثروة تقدر بحوالي أكثر من 52,000,000 دولار فقط من المحتوى اليوتيوبي الي قدمه عن طريق قناته باليوتيوب
وهنا شرح تفصيلي عن كيف تكون لك قناة يوتيوب ناجحة
تويتش
البث عن طريق التويتش تقدر من خلاله تجمع أرباح من الاشتراكات أو الدعم المباشر من المتابعين او حتى من الإعلانات اللي صارت الآن شبه إجبارية
ومنها راح تجيك المبالغ بشكل اسهل وأسرع من ال YouTube وماتحتاج تكون مشهور وعندك متابعين كثير عشان تجيك الأرباح
بطولات الألعاب
إذا كنت فنان ومحترف ومعرق باللعبة اللي تلعبها، فأنا أحب اقول لك ان بطولات الألعاب الآن صارت تصل جوائزها لمبالغ فلكية ..
والميزة إنك تقدر تحصل لكل لعبة أنت تحبها بطولة منظمة تنظمها جهة معينة.. ومن هنا تقدر تنضم لبطولات أسبوعية وشهرية وتربح مبلغ
الدولة أيدها الله بقيادة الملهم ولي العهد محمد بن سلمان صار الاهتمام كبير جداً بمجتمع اللاعبين وتم إنشاء اتحاد خاص للألعاب تحت مسمى الاتحاد السعودي للرياضات الإلكترونية
يتم من خلالها تنظيم بطولات احترافية وعلى اعلى مستوى بجوائز تعتبر من أقوى جوائز العالم في كافة الألعاب اللي يتم تنظيمها ..
وبعد من خلال تطبيق لاعب في خانة تحدي يتم تنظيم بطولات بشكل مستمر بجوائز ومبالغ نقدية تقدر تدخل وتشارك وتتحدى وتكسب بلعبك ومجهودك وعرق جبينك.
ترسل دعوات لأصدقاك في تطبيقات الألعاب
فيه تطبيقات ألعاب تعطيك مبلغ على كل دعوة تسويها وتنقبل, تسوي دعوة لأخوياك في رابط خاص فيك ولما يدخلونه ويسجلون يجيك مبلغ.
أحد هذي التطبيقات هي تطبيق لاعب وخصوصاً في خاصية صديق اللعب, إذا سويت دعوة لأحد وحمّل التطبيق وسجل بالخاصية يجيك 10 ريال على كل دعوة انقبلت.
