شاشة ذكية سريعة للألعاب، وجودة ممتازة للأفلام
تجربتك ما تكتمل بصورة واضحة وبس، أنت تبغى صورة جميلة بتفاصيل وألوان جذابة وزاهية
وشركة Sony هي أحد رواد صناعة الشاشات وجودتها دائمًا واضحة على أي شاشة تصنعها
واليوم سوني جابت لنا هذي الشاشة الذكية بالجودة العالية، وبنفس الوقت شاشة للألعاب بعدة أحجام تبدأ من 43 انش إلى 85 انش
التصميم
يعتبر تصميم الشاشة بسيط بشكل عام، في النهاية هي شاشة تلفزيون كبيرة يعني تصميمها متناسق مع أي ديكور منزلي مهما اختلف.
زي كثير من الشاشات، توقف شاشة سوني على رجلين كل وحده منهم على الجانب بدل ما تكون قاعدة واحده بالوسط.
لكن سوني هنا سوت حركة حلو بحيث إن نفس الأرجل عليها قطعة بلاستيك تثبت فيها أسلاك الشاشة سواء سلك كهرب أو سلك عرض، وهذا الشي يخلي الأسلاك أكثر ترتيب وتمويه حلو عشان تخفيها ولا تضايقك في حال كنت من الناس اللي يحبون كل شي مرتب.
ذكية مع جوجل
شاشة سوني تقدم آخر إصدار من نظام Google TV، بتجربة سلسة لعرض أي محتوى سواء من اليوتيوب أو نتفلكس وغيرها، وفيه أزرار على الريموت مخصصة للوصول السريع لهذي التطبيقات، وأكيد ما ننسى في العصر الحديث، لازم نقدر نسولف مع أجهزتنا وشاشة سوني تقدر تسمع لأوامرك مع مساعد جوجل سواء كنت تبغى يفتح لك برنامج، أو تبغى تبحث عن شي معين.
جودة الصورة
لما نقول سوني، نعرف مباشرة إن الصورة هي وحده من أهم ميزاتها، سطوع عالي في حال كنت جالس في منطقة إنارتها عالية راح تشوف صورة واضحة بدون مشاكل، وتباين ألوان عالي مريح للعين، درجة اللون الأسود وعمقه وحده من إيجابيات هذي الشاشة في الصور المظلمة، لما تلعب لعبة رعب أتوقع راح تقدر جودتها.
ومع تقنية 4K X-REALITY PRO
الشاشة تقدر تعرض محتوى HD وترفع جودته إلى 4K لتناسب أبعاد الشاشة بدون ما تأثر على الجودة بشكل كبير.
الصوت
سماعات سوني مزودة بمكبرات صوت X-Balanced Speaker اللي مصممة خصيصاً لشاشات سوني عشان تناسب سُمك الشاشة الرفيع بجودة صوت مبهرة
تسوق المسارح المنزلية والسماعات اللاسلكية هنا
للألعاب
مع معدل سرعة تحديث يوصل إلى 120Hz، الشاشة جدًا مناسبة للألعاب اللي تطلب منك السرعة والتفاعل المباشر، ومع تقنية تمنع أكبر قدر ممكن من التأخير بالإشارة بين جهاز الألعاب اللي تستعمله والوقت اللي تنعرض فيه
بس معك شاشة سوني، والمهم هنا هو دعمها المباشر لجهاز البلايستيشن الجديد PS5، بمعنى إن تقنية HDR راح تستفيد منها بأكبر شكل بسبب التناغم الموجود بين الشاشة والبلايستيشن في الألعاب اللي تدعم هذي الجودة، مع دقة 4K على 120Hz و HDR بنفس الوقت وبكل سلاسة وببساطة.
بمجرد ما توصل جهازك سواء كان البلايستيشن 4 آو 5 راح تتعرف الشاشة عليه وتحط الجودة المناسبة وتحول إلى مود اللعب.
المداخل والوصلات
فيه ميزة على بسيطة لكن فعلًا مزعجة للكثير في حال كانت غير موجودة، اللي هي إن جميع مداخل الشاشة موجودة على الجنب في جهة وحده، يعني تقدر توصل الأسلاك بكل سهولة لو كنت معلق الشاشة على الجدار.
في الشاشة عدد 4 مداخل HDMI.
2 منها من نوع HDMI 2.1، اللي تكلمنا عنه في مقال سابق تقدر تعرف عنه أكثر من هنا (الرابط)
إذا كان معك جهاز البلايستيشن 5 فأنت كذا راح تحصل على ميزاته كاملة لأن الجهاز والشاشة كلهم يدعمون هذي التقنية الجديدة.
كذلك فيه مدخلين USB في حال كنت راح توصل فلاش عليها وتتصفح فيديوهات أو صور عليها
مع مدخل Ethernet توصل الشاشة بالانترنت عشان ما يعلق الفيلم وأنت تتابعه وتكمل تجربة السلاسة اللي توفرها الشاشة.
تقدر تتعرف على أهمية أسلاك الـ HDMI في هذي المقالة
الخلاصة
بشكل عام الشاشة ميزاتها تخليها خيار حلو لأي شخص يحتاج شاشة وحده لكل شي، للألعاب والاستعمال اليومي.
ألوان الشاشة جميلة وصحيحة بدون تغيير بدرجات الوان، سطوع عالي في الأماكن المضيئة، ولون أسود عميق في الإضاءات المنخفضة.
وسرعتها في الألعاب جيدة ودعمها لجهاز البلايستيشن 5 يخدمها بشكل كبير.
وأخيرًا تنوع أحجامها يعطيك خيارات أكثر عشان تختار الحجم اللي يناسبك.