تعرف على ألوان أزرار الكيبورد ميكانيكي
الكثير من الناس يحسب إنه أي كيبورد قيمنق مثله مثل غيره، والناس اللي يفهمون أكثر يعرفون إنه له أنواع وأفضلها الكيبورد الميكانيكي.
لكن هل تعرف إن الأزرار حتى لو كانت ميكانيكية، لها ميزات وخصائص وأنواع مختلفة تفرق في الأداء والراحة؟
كل اكسسوارات البي سي في مكان واحد.. تسوق على راحتك هنا
ليش كيبورد ميكانيكي؟
شفت ذاك الفيلم اللي فيه (هاكر جالس يهكر) ويضغط على الأزرار بسرعة، وصوتها العالي اللي لسبب ما يخلينا نحس بشعور حلو؟ الكيبورد الميكانيكي يعطيك هذا الشعور الحلو في كل مرة تستعمله حتى لو ما كنت تلعب.
بس غير ميزة الشعور الحلو، الكيبورد الميكانيكي يتميز إنه أكثر اعتمادية من الكيبورد التقليدي. لو دخل تراب أو غبار تحت الأزرار، إزالتها وفكها سهل جدًا، وفي الغالب يكون الكيبورد مصنوع من مواد عالية الجودة.
يعني الكيبورد يعيش فترة زمنية طويلة، لدرجة ممكن تغير جهازك بس ما تغير الكيبورد.
الميزة الرئيسية هي السرعة في الاستعمال وقلة الخطأ، إذا كنت تلعب وبغيت مثلًا تسوي حركة تتطلب سرعة تحتاج إنك تضغط زر معيّن في اللحظة المناسبة، الكيبورد الميكانيكي بصوته وإحساس ضغطة الزر يخليك متأكد لما تضغط الزر إنك ضغطته، واجهنا نفس الموقف أكثر من مرة مع الكيبورد التقليدي إنك تضغط زر بسرعة وتحسب إنك ضغطته، والصدق إنك ما ضغطته لأنه ما فيه شعور للزر، عشان كذا نسبة الخطأ أعلى من الكيبورد الميكانيكي.
والعكس صحيح، ممكن تلمس زر بالخطأ وتكون حساسيته عالية وتضغطه بدون قصد، الكيبورد الميكانيكي من نوع إلى آخر يعطيك مساحة أكبر تحت الزر، يعني لازم تضغطه كله عشان يستجيب.
في حال كنت حاب تطلب لك كيبورد ميكانيكي، لاعب مضبطينك بمجموعة مختلفة من الكيبوردات من أعرق الشركات في المجال.
كيف أعرف نوع الأزرار
فيه معايير للأزرار تتحدد من جهات معينة
لكن غالبًا تشترك الشركات المصنعة بمعيار Cherry MX، ويتم التفريق بينها بالألوان تحت الأزرار
الأزرق Cherry MX Blue:
هذا النوع يتميز بصوت واضح وضغطة زر بمقاومة خفيفة وتحتاج قوة بمقدار 50 جرام عشان تضغطه.
والزر مع الضغطة تحس فيه بدون نعومة في النزول والطلوع وتحس بنقطة يلتقي فيها الزر بالدائرة الكهربائية اللي تعطي الإشارة للكمبيوتر.
الأخضر Cherry MX Green:
ببساطة وباختصار، الزر الأخضر مثل الأزرق بكل شي، باستثناء مقاومة الزر تحتاج قوة أكثر بمقدار 80 جرام عشان تضغطه.
البني Cherry MX Brown:
مثل الأزرق بطريقة استعماله، غير ناعم في النزول للأسفل وفيه نقطة إلتقاء بالدائرة الكهربائية تقدر تحس فيها
لكن يفرق بنقطة مهمة اللي هي إنه ماله صوت، الزر صامت لكن نفس آلية عمل الأزرق.
ويحتاج قوة بمقدار 45 جرام.
الأبيض Cherry MX White:
مثل البني، زر بضغطة صامتة وغير ناعمة، لكن يحتاج قوة أكبر بمقدار 85 جرام.
الأحمر Cherry MX Red:
على عكس الأزرار السابقة، الزر الأحمر يختلف شعور الضغط عليه، نزوله للأسفل وطلوعه بحركة ناعمة على عكس اللي قبل، يعني راح تحس بارتداد الأزرار للأعلى لما تضغطها في نوع الزر الأزرق والبني، لكن الأحمر ما تحس بأي ارتداد لما تضغطه.
ونقطة التقاء الزر بالدائرة الكهربائية تكون أقرب فما تحتاج تضغط الزر إلى الأسفل بشكل كامل.
ويحتاج الزر قوة ضغط بمقدار 45 جرام.
الأسود Cherry MX Black:
مثل الزر الأحمر بالخصائص والمميزات، لكن يحتاج قوة ضغط بمقدار 60 جرام.
متى تستفيد من هذه الأنواع
الموضوع هنا يرجع لرغبتك الشخصية، إذا كنت تحب الصوت وشخص راح تستعمل الكيبورد بالكتابة كثير، الأزرق والأخضر هي الأنواع اللي راح تعجبك.
لكن إذا كنت تبغى شعور ضغطة الزر بس ما تحب الإزعاج، أو ممكن تسوي لايف ستريم ولا تبغى صوت الكيبورد يزعج المشتركين، البني والأبيض راح يكونون أفضل لك.
الأحمر والأسود على إنهم بدون صوت، إلا إن كثير من اللاعبين يستعملونها ويفضلونها لأن تصميمها يسمح لك تضغط عليه بشكل متكرر وسريع أكثر من الأنواع الثانية.
وبالمناسبة، هذي الأزرار تقدر تشتريها وتركبها على الكيبورد الميكانيكي اللي عندك بكل سهولة في حال بغيت تغير وتجرب الأنواع الثانية.