ألعاب بلايستيشن بلس في ديسمبر، ألعاب بتوفر عليك أكثر من 750 ريال
ما فيه شي أحلى من الأشياء اللي تجي مجانًا.
في شهر ديسمبر، سوني وفرت لمشتركي البلايستيشن بلس 6 ألعاب مجانية وتخفيضات على ألعاب إضافية.
اذا حاب يصير عندك اشتراك بلايستيشن بلس تقدر من خلال البطاقات في متجر لاعب.
LEGO DC Super-Villains
سلسلة ألعاب (LEGO) المعروفة ميزتها مهما كان عمرك أو نوع الألعاب اللي تحبها، أضمن لك إنك راح تستمتع فيها.
لعبة عالم مفتوح بقصة راح تندمج فيها، تلعب بالشخصيات الشريرة من عالم القصص المصورة DC Comic Books
تقدر تختار شخصيتك، أو إذا حبيت تقدر تسوي شخصيتك الخاصة.
القصة راح تندمج فيها بأداءات صوتية ممتازة، خصوصًا إن بعض الممثلين هم في الأساس من سلسلة باتمان الكرتونية.
اللعبة زي كثير من ألعاب السلسلة السابقة، طور اللعب الجماعي ممكن يكون هو أحد أمتع محاور اللعبة، مع إن اللعبة ممكن يعتبرها البعض قديمة، إلا أنها ما فقدت متعتها.
Mortal Shell
إذا كنت تحب ألعاب RPG، اللعبة هذي تستحق التجربة!
لو تقارنها بأحد أفضل الألعاب من هذه الفئة (Dark Souls)، اللعبة فيها كثير من الإيجابيات بطريقة مختلفة شوي
عالم اللعبة الثانية السوداوي، بس أسلوب اللعب يختلف عن الألعاب المشابهة لها بالاستراتيجية والتخطيط،
تطوير الأسلحة والشخصية مشابه لألعاب ثانية، لكن في إضافات مميزة راح تكتشفها مع الوقت.
ممكن تكون بداية اللعبة مملة شوي، بس لما تعدي البداية راح تكون ممتعة وبتعرف ايش يميزها عن غيرها.
اللعبة أقصر من ألعاب كثيرة مماثلة لها، لكن هذا مب شيء سلبي
لأنه زي ما قلنا… اللعبة مجانية ما راح تخسر شيء.
Godfall
لعبة تستغل قوة الجيل الجديد من البلايستيشن الخامس (Playstation 5) بالرسومات وعالم مفتوح بتفاصيل تخليك توقف وتتأمل فيها
كقصة… خلنا نقول بشكل مباشر إنها مملة وعادية، لكن اللي يخدم اللعبة هو أسلوب القتال مع الأعداء الرئيسيين والثانويين، لعب سريع وأعداء بقدرات مختلفة، إذا تبي تلعبها وفعلًا تبغى تستمتع بالتجربة، جرب على مستوى صعوبة عالي.
صحيح الأعداء قدراتهم وصعوبتهم تختلف طوال اللعبة، لكن للأسف راح تلاحظ فيه تكرار كثير بينهم وراح تحس إنك تعيد اللعبة لدرجة ممكن تكون مملة.
أنصحك بشدة إذا كنت راح تجربها، العبها مع أصدقائك عشان تكون ممتعة أكثر.
ثلاث ألعاب بتقنية الواقع الافتراضي VR
The Walking Dead: Saints & Sinners
أكيد فيه أوقات تتخيل نفسك تقاتل الزومبي..
بس اللعبة هنا ما تتعلق بالقتل بس، هي أكثر من كذا! لازم تعرف كيف تدير مواردك من أسلحة ورصاص، ولما تطلع من مكانك تكون حذر وتختار ما بين إنك تقتل مجموعة زومبي أو تتسلل من وراهم.
اللعبة هنا فوق إنها تعيشك تجربة واقع افتراضي، فيه تفاصيل صغيرة راح تدخلك في مود (النجاة بحياتك)
مثل إن الزومبي في الليل يكونون أكثر شراسة وأكثر انتباه، وكل يوم يمر في اللعبة عدد الزومبي يزيد فيكون بيدك الخيار إنك تنام احتياطًا أو تراهن على نفسك وتخاطر وتطلع بالليل، غير الأسلحة اللي لازم تجمعها وتستعملها بوقتها المناسب لأن لها طاقة معينة بعدين راح تنكسر أو تتعطل.
تجربة زومبي جدًا ممتعة وخصوصًا إن ألعاب الواقع الإفتراضي في أحيان كثيرة تكون قصتها ضعيفة، وهنا اللعبة قصتها فعلًا تخليك تتشوق تكملها.
The Persistence
لعبة رعب إضافية، على سفينة فضائية تحاول النجاة من متحورين (مثل الزومبي تقريبًا).
يميز اللعبة إن تجربتها فعلًا مرعبة، السفينة مظلمة تخليك تلتفت في كل زاوية، وأصوات المتحورين أصوات مصممة لتكون كأنها فعلًا جنبك وتخليك تعيش جو فعلًا مرعب.
لما تموت شخصيتك راح تضطر ترجع لبداية المستوى اللي وصلته، وتعيد جمع الأسلحة من جديد، وهذا الشيء مزعج، لكن بيخليك تحسب حسابك قبل أي حركة.
Until You Fall
نترك جو الرعب ونروح إلى قتال السيوف، لعبة حماسية وحركية تقاتل فيها الأعداء وتتجاوزهم ويزيدون صعوبة مع الوقت
إذا شفت أي مقطع لهذي اللعبة راح تحس إنها سهلة، لكن التجربة خير برهان.
على إن التكتيكات ممكن تكون واضحة واللعبة نفسها راح تعلمك هذي التكنيكات وقت القتال، إلا إن السرعة تلعب دور مهم، والأهم كيف تتصدى لضربات الأعداء خصوصًا الرؤساء الكبار.
برأيي الشخصي، إذا تحب تفرغ طاقة سلبية بعد ما تلعب The Walking Dead: Saints & Sinners
جرب هذي اللعبة وراح ترتاح نفسيًا.
تخفيضات لك بس
مجموعة الألعاب المخفضة كثيرة، بعضها يوصل إلى تخفيض بنسبة 80٪
بعض الألعاب اللي ممكن أرشحها لك لعبة We Happy Few إذا كنت تبغى تجرب شي جديد وتستفيد من خصم 85٪
وفيه مجموعة ألعاب سيارات مثل Gran Turismo Sport أو إذا كنت تحب الرالي V-Rally 4
وفيه ألعاب مشهورة مثل inFamous First Light و لعبة Far Cry 5 نسخة Ultimate مع إضافة New Dawn
وأرشح لك كذلك لعبة Journey سواء Collector's Edition أو النسخة الأساسية منها
وإذا حاب ألعاب أكثر زور متجر البلايستيشن وتصفح أكثر من 50 لعبة مخفضة.