شاشة للبيت بمواصفات كل قيمر يحتاجها
المتعة بتجربة اللعبة شيء أساسي، لكن جمال الرسم ودقة التفاصيل فيها تضيف متعة بشكل ما تتصوره
لذلك راح تحتاج لشاشة تعرض لك قوة الألعاب الرسومية بأعلى جودة ممكنة
بتسأل: وش فرقها عن شاشتي؟ أجاوبك: كثيييير!
خلينا نبدأ بأول شي وهي إن الشاشة مصممة في الأساس للقيمرز وتركيزها على أجهزة الكونسول مثل "بلايستيشن واكس بوكس"
يعني الشركة أعطوها مواصفات نحتاجها لما نلعب أي لعبة.
شاشة سريعة
للمقارنة، الشاشات بشكل عام سرعة تحديثها 50 إلى 60 هيرتز. وهنا ما فيه مشكلة إذا كنت تتابع أفلام أو فيديوهات عليها
لكن للألعاب راح تحتاج سرعة تحديث عالية، خصوصًا إذا كانت ألعابك المفضلة تحتاج سرعة، أية لعبة حركية ومغامرة ( Tekken , Final Fantasy), أو الألعاب الحربية تحتاج منك السرعة والانتباه (Call of Duty, Fortnite)
وأنت هنا عندك شاشة تعطيك دبل! 120hz
فتجربتك بتكون أفضل, ومن جد بتقدر تعرف مستواك في اللعبة! لأن سرعة التحديث معناها إن حركتك في اللعب راح تكون أسرع والأعداء راح تشوفهم بشكل أسرع ويعطيك الأفضلية إنك تقتلهم قبل ما يقتلونك. وهذي ميزة فعلًا راح تبين مع اللي يلعبون أونلاين
وصدقني لما أقول لك راح تلاحظ الفرق.
لمعلومات أكثر تقدر تقرأ عن الفرق بين شاشات 144 و 240 و 60 هرتز
HDR مع 4K
زي ما قلنا في البداية، تجربة اللعبة راح تكون شي ثاني لما تشوف أدق التفاصيل في اللعبة وتكون أكثر واقعية
أو حتى تكتشف فيها جمال وإبداع مصممين اللعبة
يعني شفت لعبة DEATHLOOP وجمال الجرافيكس فيها؟ تخيل تشوف تفاصيل الرسم بأعلى جودة ممكنة
لعبة تدعم HDR عشان تشوف أحلى صورة بإضاءة متوازنة وانعكاسات النور على أي شي، وفوقها 4K يعني تشوف تفاصيل الأسلحة في اللعبة لدرجة تشوف الآثار على المسدس
صوت يخليك ما تحتاج سماعة فوق راسك من Bowers & Wilkins
إذا ما كنت تعرف "Bowers & Wilkins" خلني أعلمك
سماعاتهم تعتبر من أفخم وأفضل السماعات جودة، لدرجة إنه شركات سيارات فاخرة مثل BMW يستعملونها في أفخم سياراتهم
فلك أن تتخيل يا صديقي
إنك ما تحتاج تلعب وتلبس سماعة فوق راسك ومع الوقت ممكن تجيك آلام منها
الشاشة يجي معها صوت واضح وتقدر تختار وضعيات الصوت على حسب اللعبة، مثل ألعاب الشوتر ولا ألعاب المغامرة
والأحلى من كل هذا، إذا أنت تستمتع بالموسيقى في الألعاب، السماعات هذي ما راح تخيب ظنك وبتخليك تندمج في اللعبة أكثر.
تصميم حلو ويناسب أي ستايل
لأنه شاشات الألعاب غالبًا يكون واضح إن تصميمها مخصص للألعاب
تجي مشكلة بإنك ما تقدر تخليها في أي مكان إلا وممكن تشوه المنظر
وهنا تصميم شاشة فيليبس جاب لك الحل، مواصفات تناسب القيمرز وشكل مناسب ما فيه تصميم زيادة
إنما تصميم بسيط وجميل بنفس الوقت. بمعنى إنك تقدر تخلي الشاشة في صالة البيت، أو ملحق أو أي مكان
وما تخرب شكل المكان ولا يكون واضح إنها شاشة ألعاب.
وفوق هذا في ميزة ثانية مرة حلوة، إن الشاشة تقدر تتحكم بالإضاءة بشكل آلي، و تستوحي الألوان من اللعبة أو المشهد، يعني تخيل لو إن الشاشة تعرض صورة لشاطئ، والشاطئ أصفر والماء والسماء لونها أزرق
الشاشة راح تعطيك لون أصفر وأزرق وتنعكس على الجدار خلف الشاشة، وتخليك تدخل في المود أكثر، وبالمناسبة هي ميزة تشتغل معك في أي وقت، سواء تشوف فلم أو تلعب لعبة.
شاشة ألعاب حجمها 55 انش!
غالبًا الشاشات بسرعة تحديث عالية ومواصفات تهم القيمرز، تكون هي شاشات الكمبيوتر المكتبي،
يعني صغيرة نوعًا ما، وما تنفع تخليها في أي مكان في البيت.
لكن هنا الشاشة كبيرة، يعني تقدر تخليها في صالة البيت بدون ما يصير عندك أكثرمن شاشة
وتقدر تتفرج فيها على أي شي تبغاه في حال ما كنت تبي تلعب.
في النهاية
إذا كنت حاب تلعب ما راح تقصر معك الشاشة بسرعتها الممتازة وتفاصيلها الدقيقة.
وإذا كنت حاب تستعملها مثل تليفزيون وتتفرج على فيديوهات أو أفلام فما راح تخذلك بألوانها وسطوعها وسماعات تعيشك كل الأجواء مهما كانت.