جلسة اللعب ما تحلى إلا وأنت مرتاح على كرسي قيمنق ومهم إنك تكون مرتاح طول وقت اللعب

عشان كذا، الاستثمار بكرسي قيمنق بيكون خيار ممتاز ومفيد لك على المدى البعيد

 

ليش أشتري كرسي ألعاب؟

ببساطة، جلسة اللعب في الغالب هي جلسة طويلة، ممكن تاخذ منك ساعة إلى 6 ساعات، وممكن أكثر.

خلال الجلسة الطويلة هذي، جسمك يحتاج يكون مرتاح عشان ما تجيك آلام في الظهر والرقبة، والدوام عليها ممكن يؤثر على صحتك وقت اللعب وخارجه، وأكيد صحتك أولى من كل شيء

نبدأ بشيء بسيط، دعم جسمك

في الغالب إنك لما تلعب راح تكون ثابت لفترات طويلة، عشان كذا تحتاج دعم لظهرك وأسفل الظهر والرقبة.

كراسي الألعاب تعطيك خيارات كثيرة بأسعار متفاوتة، لكن في العادة تكون مصممة للجلوس لفترات طويلة على سيت أب لعب، يعني الكرسي المكتبي قد لا يكون مصمم بهذا الشكل، لأن الكراسي المكتبية هي كراسي للعمل، ودائمًا وين ما كنت في مكان العمل، لازم تقوم وتتحرك بين فترة وفترة، لأن العمل (ممل وطفش)، لكن اللعب ممتع لدرجة إنك تنسى نفسك

فتصميم كرسي الألعاب مصمم من أساسه، إنه يدعم جسمك لفترات طويلة.

راح تلاحظ فيه كراسي فيها مخدات على منطقة أسفل الظهر ومنطقة الرقبة تزيد من راحتك.

وفيه كراسي الجلسة فيها مستقيمة أكثر عشان تعطي الاستقامة المناسبة لك وقت اللعب.

أفضل كراسي القيمنق هنا 

 

خلي جسمك يتنفس

حتى مع براد الغرفة والمكيف ينزل عليك، مع حماس اللعب لازم تتعرق، وأكيد شعور سيئ ومزعج وقت اللعب

عشان كذا المواد المصنع منها الكرسي تلعب دور مهم في التبريد على الجسم، من خلال المواد المصنوعة، أو طريقة التصميم بمسام و فتحات صغيرة تسمح للهواء بالدخول والتبريد.

وطبعًا ما ننسى الراحة، على حسب المادة اللي ترتاح لها، سواء كان جلد أو قماش.

نرجع شوي إلى دعم الجسم

إضافة لخيار دعم ظهرك وأنت جالس، الكرسي يحتاج يكون عنده مرونة

يعني يكون ظهره قابل للإمالة بدرجات مختلفة، ويكون كذلك له مساند لليد ومهم تكون مريحة، لأنها لما تجيك شاشة Loading لفترة طويلة، تحتاج مكان تخلي يدك ترتاح فيه، ومهم إنها تكون قابلة للتعديل بحيث تختار الوضعية المثالية لك.

 

وطول الكرسي يلعب دور مهم، ما ينفع تكون رقبتك مايله طول الوقت وتتعبك، فلازم يكون طول الكرسي مناسب ويكون فيه خيار التعديل بالارتفاع وتكون خيارات كثيرة حتى تحصل الشي المناسب لطولك.

أمثلة على كراسي القيمنق

الكرسي لك، لازم الناس تعرف

وهذي ميزة في كراسي الألعاب، إنها تجي بألوان متعدده، سواء لون أحمر، أو أزرق، أو أبيض وأسود أكيد، وإذا تحب تكون مميز أكثر، تقدر تختار كرسي أصفر أو كرسي وردي وكل الألوان النادرة بالكراسي.

 كراسي القيمنق هي اللي راح تعطيك هذي الخيارات الكثيرة بأشكال متنوعة تميّزك عن غيرك. وهنا تقدر تتصفح كل الكراسي اللي ذكرناها بألوانها ومميزاتها وتطلبها مباشر

 

أخيرًا وليس آخرًا

الكرسي هو عنصر مهم للراحة، ويخدمك على المدى البعيد، وزي ما قلنا يخدمك وقت اللعب وخارج اللعب وصحتك أهم. لا تستخسر كرسي مناسب، حتى لو كان كرسي قيمنق رخيص فراحة جسمك هي الأولوية دائمًا.

وإذا أنت مستعد تلعب زين، لازم تكون مرتاح ورايق ولا ينفع تخربها بجلسة مو صحية.