أفضل ألعاب 2023 في قيم باس
أفضل ألعاب 2023 في قيم باس
أول مانقول قيم باس الكثير من اللاعبين يخطر على باله اكس بوكس لكن قيم باس أحد أضخم خدمات الألعاب على البي سي أيضاً بأشتراك شهري بمبلغ رمزي تقدر تلعب أكبر الألعاب وأحياناً ألعاب جديدة بنفس يوم إطلاقها. وهذا المقال جهزناه لك لهذا السبب وإذا خدمات الألعاب المدفوعة تزعجك لأن ألعابها قديمة ننصحك بخدمة قيم باس لأنها تنزل ألعاب في يوم أطلاقها أحياناً وتكون ألعاب كبيرة ومكلفة. سنة 2023 قربت تخلص وهذي أفضل الألعاب اللي نزلت في 2023 وتقدر تلعبها على القيم باس باشتراك 10 دولار.
Starfield
(ستارفيلد)
أكيد سمعت كل الضجة عنها لعبة استوديو بثسدا الجديدة وهو الاستوديو اللي انتج ذا إيلدر سكرولز سكايرم و فال آوت و ذا إيفل ويذن. ستارفيلد هي لعبة تقمص أدوار خيال علمي استغرق الشغل عليها 7 سنوات وفيها تصمم شخصيتك بكل تفاصيلها وتبنيها بأدق التفاصيل ثم تنطلق في رحلة لاكتشاف الغموض حولك ثم اكتشاف الكواكب والمجرات.
تتنقل بمركبتك الفضائيها وعالمها المفتوح ضخم بشكل ماتتخيله اشتغل عليها المطورين سنين عشان تنغمس باللعبة لساعات. بس تذكر أن اللعبة مصممة للأشخاص اللي يحبون المحتوى الطويل يعني بالعربي لا تبدأ فيها إلا وأنت متجهز ومتفرغ وجاهز تتعلم وتبدأ.
Lies Of P
(لايز اوف بي)
كل محبين ألعاب السولز سمعوا فيها أو اشتروها, قيم باس يقدمها لك من يوم اطلاقها. لعبة لايز اوف بي هي لعبة اكشن خيال على اسلوب السولز عن قصة كنز بنوكيو المعروفة.
هي أنك دمية صنعها جيبيتو اللي وقع في شراك كذبات مع وحوش وأشخاص لا يُثق بهم يقفون بينك وبين الكوارث اللي حلت على عالم لايز اوف بي. لعبة رائعة بطابع غامض وخطير وعالمها شبيه بالعالم المفتوح بأنك تقدر ترجع لمناطق لعبتها واستكشفتها لكن ماتعتبر عالم مفتوح.
Dead Space
(ديد سبيس)
لعبة ديد سبيس من أقوى ألعاب العقد الماضي وهي ريميك من اللعبة الأصلية ديد سبيس اللي نزلت عام 2008 وهي لعبة رعب وصراع على البقاء. من تطوير استوديو موتيف ونشر إلكترونيك آرتس. وهي أول أصدار من سلسة ديد سبيس من سنة 2013.
يعني السلسة مر عليها 10 سنين بدون أي أصدار جديد, بعض القيمرز الجدد حتى مايعرفونها. نظام القتال والقيم بلاي فيها تحسن كثير ويعتبر أكثر من ريميك وكأنها لعبة جديدة. حتى الشخصية اللي تلعب فيها ايزك كان شخصية صامته باللعبة الأصلية مايتكلم ولا يعلق.
بالريميك أعادوا كتابة الشخصية وخلوه يتكلم ويعلق ويتفاعل ويرتبط بالشخصيات وهذي الأضافة دائماً مفضلة عندنا لأنها تعطي عمق للعبة. وشخصياً أنصح فيها أي شخص يحب ألعاب الرعب والصراع على البقاء.
Sea Of Stars
(سي اوف ستارز)
لعبة تقمص أدوار نظامها أدوار أو يسمونه Turn Based.نفس الالعاب الكلاسيكية, تاهجم بعدين يجي دور اللي ضدك بعدين يجي دورك مره ثانية وهكذا. اللعبة تابعة لقصة The Messenger (ذا مسنجر) لعبة نزلت في 2018؛ لكن مو لازم تلعب The Messenger لأن أحداث اللعبة هذي بتكون في الماضي.
Pay Day 3
(باي داي 3)
لعبة باي داي الغنية عن التعريف لعبة تعاونية شوتراكشن بنظام تعاوني اونلاين من تطوير شركة أوفر كيل سوفتوير. تعود باي داي بجزئها الثالث بمهمات جديدة وعمليات سطو تشيب راس الشرطة وفيها تتعلم كيف رجعت فيها شخصيتك من التقاعد عشان هدف تكتشفه أثناء اللعب.
من أكثر الألعاب اللي تنزلت عن طريق قيم باس خلال هذي السنة اللاعبين اللي يحبونها بيستمتعون فيها كالعادة. أما اللاعبين الجدد بيضطرون يتعودون عليها لكن لحسن الحظ اشتراك قيم باس يعطيك اللعبة كاملة لأن سعرها الأصلي مرتفع حالياً.
Headbangers: Rhythm Royale
(هيد بانقرز: ريذم رويال)
نختم قائمة السنة بلعبة خفيفة وممتعها وتقدر تلعبها وتوسع صدرك متى ماتبي مايحتاج تقعد لها قعدة طويلة. لعبة هيدبانقرز هي باتل رويال تدخل فيها مع 30 لاعب اونلاين بنظام الميني قيمز أو الألعاب القصيرة بطريقة مشابهة لـ فال قايز.
جديدة نزلت الشهر الماضي لكن متوفرة الآن على منصة قيم باس. من تطوير استوديو Glee-Cheese و نشر Team17. تتنوع الميني قيمز على ألعاب اللي تعمد على توقيتك مع الإيقاع, وبعضها يعتمد على الذاكرة أو على سرعة البديهة والأهم على قدرتك على الراب. تحمست تلعبها؟ نزل اللعبة كاملة من اشتراك قيم باس الحين.
أول مره؟
إذا كنت جديد على خدمة قيم باس وتبغى ألعاب جيدة بشكل عام من أي وقت نحب نذكرك أن الخدمة تعطيك ألعاب قوية ومشهورة وألعاب صغيرة ومتتعة باختصار إذا كنت قيمر وتحب تجرب ألعاب كثير خدمة قيم باس تناسبك سواء على الاكس بوكس أو البي سي.
ميزتها إنك لو تشتري ألعاب كثير وماتكملها ماتحس بعذاب الضمير زي لما تدفع 60 أو 70 دولار على لعبة وماتكملها أو ماتعجبك.
هذي أكثر الألعاب اللي اللاعبين يبدأون فيها لما يشتركون أول مره: دوم اتيرنال و فورزا هورايزن 5 و أوري أند ذا ويل اوف ذا ويسبس و ياكوزا: لايك آدراقون و ديد سبيس الجديدة و ذا إيلدر سكرولز
وبمجرد انضمامك للإشتراك بيكون لك مكتبة ألعاب ضخمة تلعب منها مهما كان نوع الألعاب اللي تفضلها أكيد بتلقى لك خيارات كثير تلعب منها.
سواء كنت لاعب جديد أو مخضرم بتلقى لك ألعاب تجربها وتنبسط عليها في قيم باس. وبالنسبة للمشتركين القديمين فيه ألعاب قادمة للشهر الحالي والشهر القادم وأكيد عارفين أنه تجربة قيم باس ثرية بالألعاب لكل أنواع المشتركين.