كلنا عارفين حرب الحصريات بين سوني بلايستيشن واكس بوكس لكن قليل نتكلم عن حصريات البي سي. المهم أنك تعرفه هو أن أغلب الألعاب اللي يطورونها مطورين مستقلين (Indie Games) والأغلب يوصفها إنها نادرة أو متخصصة أغلبها على البي سي. لكن اليوم جبنا لك أقوى حصريات البي سي على مر السنين اللي تقدر تستمتع فيها مع أصحابك أو أي أحد عنده بي سي والحلو إنه 3 منها مجانية. 

 

 

 

World of Warcraft

ورلد اوف واركرافت (WoW)

 

هي لعبة تقمص أدوار(RPG) بعالم ضخم تسمح لك تصمم شخصيتك بنفسك وتنطلق بعالم خيالي واسع. فيها تستكشف دنجنز ودوماينز وفيها لعب أونلاين مع لاعبين ثانين تقدر فيها تسوي كرافت وتطوير لأسلحتك وعدتك بعنصر الـ RPG على أصوله اللعبة طورتها شركة Blizzard اللي اشتغلت على ديابلو و أوفرواتش. اللعبة فيها 9 توسعات متوفرة الآن 8 منها تشمل سعر اللعبة الآن ماعدى الأخيرة تشتريها بشكل منفصل واحتمال كبير تنضم قريباً للعبة تقدر تلعبها بعد مستوى 60. World of Warcraft تتطلب اشتراك بعد ليفل 20 يعني تقدر تلعبها مجاني إلى ليفل 20 عندها قاعدة جماهيرية كبيرة ومخلصة من أقوى ألعاب البي سي.

Counter-Strike

كاونتر سترايك

 

هي سلسلة ألعاب شوتر من منظور الشخص الأول اللي تركز على القتال الجماعي بين الارهابيين ومكافحة الارهاب. اللعبة تتميز بتنوع خرائط وأسلحة وأطوار مختلفة. تتميز اللعبة بمصداقيتها وصعوبتها. Counter-Strike: Global Offensive هو اخر جزء نزل من كاونتر سترايك. تقدر تلعبها بشكل مجاني وبطولاتها تقام للآن على مستوى العالم. اللعبة طورها استوديو Valve اللي اشتغل على Half Life و Dota 2.

 

 

Dota 2

دوتا 2

 

هى لعبة في ساحة معركة جماعية أونلاين (MOBA) تشمل فريقين من خمسة لاعبين كلهم يتنافسون عشان يهزمون قاعدة الخصم. كل لاعب يقدر يختار من 100 بطل في اللعبة، عندة قدرات ودور معين يخدم الفريق. ومثلها مثل أي لعبة جماعية تتطلب التنسيق والتعاون بين لاعبين كل فريق عشان يحققون الفوز وهذا الشيء يكمن بأن اختيارك لكل بطل يعتمد على اختيار فريقك عشان تتناسق أدواركم وتحققون الفوز. ولحسن الحظ فـ Dota 2 برضو مجانية وتقدر تحمّلها وتلعبها الحين.

Black Mesa

بلاك ميسا

 

هي لعبة قتال شوتر من منظور الشخص الأول تخليك تعيش تجربة لعبة Half Life الكلاسيكية بمنظور أحدث وبطريقة مطورة. تاخذك اللعبة مع العالِم قوردن فريمان في محاولة للنجاة من غزو الفضائيين ومحاولة التظيف ورا الجيش بعد التجربة العلمية اللي فشلت فشل ذريع في مركز بحوث بلاك ميسا. فيها بتواجه حشود من الأعداء وبتحل ألغاز وتستخدم اسلحة مختلفة وفيها 19 فصل من القصة واللعب اللي مليان أكشن. اللعبة قصة تجذب وحتى فيها أونلاين لكن لأنها لعبة قديمة شوي فممكن ماتلقى عدد لاعبين كبير يلعبها بوقت واحد. سعرها حلو والحين عليها خصم في ستيم أقل من 40 ريال. 

 

Honkai Star Rail

هونكاي ستار رايل

 

هي لعبة مبنية على الأدوار (Turn-Based RPG) بمظهر رسومات أنمي من استوديو Hoyoverse اللي معروف بلعبة قينشن امباكت. ورسوماتهم معروفة بجودتها. القصة تدور حول مجموعة من الشخصيات في مركبة فضائية يسافرون بين العوالم أو الكواكب بقطار فضائي للبحث عن الأسرار و الآثار. تبدأ باللعب بالشخصية الرئيسية اللي يدور حولها غموض كبير لكن وبعدها تبدأ بأضافة شخصيات أكثر لفريقك وكل شخصيها لها سلاحها المختلف وقدراتها المختلفة. الجدير بالذكر أن الشخصيات لها أدوار والأدوار عبارة عن عناصر تتفاعل مع بعض مثل الثلج والرياح وغيرها. اكتشاف اللعبة وقصتها جداً ممتعة وإذا كنت من محبين اللألعاب المبنية على الأدوار فهذي اللعبة جديدة وبأعلى المواصفات. اللعبة مجانية على موقع Hoyoverse تقدر تحملها وتلعبها كاملة لكن فيها نظام القاتشا اللي تحتاج تشتري الشخصيات النادرة لو ماجمعت لها كفاية. 

 

 

ولأن أغلب الألعاب الحين البحث يدخل فيه لاعبين الكونسل أو الجوال بدون مايكون فيه إعدادات تستشيرك. هذي الألعاب خصيصاً للاعبين البي سي وكلها ألعاب قوية ومازالت تنزل لها تحديثات بمحتوى جديد وعندها قاعدة جماهيرية كبيرة. والحلو أنك تقدر تجرب 4 منها بدون ماتدفع ولا ريال ولأنها على البي سي فما تحتاج أي اشتراك عشان تلعبها زي بلايستيشن بلس أو اكس بوكس قيم باس. وكلها ألعاب مرت عليها سنين لكن قوتها وشعبيتها ما قلت بالعكس تزيد واخترناها لأنها ألعاب ثبتت مع مرور الوقت وما خسرت قاعدة اللاعبين أو مازال فيه لاعبين يرجعون لها ومتأكدين أنه على بعد سنة أو سنتين على الأقل من الحين تقدر تحملها وتلعب ومارح تلقى أي صعوبة في أنك تلقى لاعبين بأي وقت.