لعبة معقدة؟ هذا أحسن شيء DEATHLOOP
شركة Bethesda جابت لنا لعبة جديدة، شركة تطوير الألعاب المعروفة بعدة سلاسل ألعاب شهيرة وممتعة
مثل Fallout, Skyrim, Dishonored وغيرها
لكن هالمرة اللعبة غريبة شوي… وتقدر تقول معقدة لكن بشكل حلو
القصة الغريبة
تخيل ينعاد عليك نفس اليوم للأبد، هذي قصة بطل لعبة DEATHLOOP "كولت" وهو شخص عالق في هذا الموقف
وعشان يطلع من هذي الدوامة، لازم يكسر النمط، أو في كما اسم اللعبة يبين لازم يكسر الحلقة (Loop)
ويقدر يكسرها إذا قتل 8 أشخاص. لكن الموضوع مو بالسهل؛ لأنه لازم يقتل الثمانية كلهم بلا استثناءات خلال يوم واحد بس قبل بدء اليوم من جديد، يعني قبل ما تكتمل الحلقة وينعاد اليوم عليه ويرجعون الأعداء الثمانية وتتكرر التجربة من جديد.
تجربة اللعبة
اللعبة تنقسم إلى أربعة أوقات من اليوم، صباح، ظهر، ما بعد الظهر، ومساء. اللي راح تكون فيها أحداث مختلفة بينهم، مثلًا في فترة ما بعد الظهر راح تكون فيه ثلوج تغطي المكان، وفي المساء تجمع لشخصيات مهمة في منطقة الاحتفالات. كذلك جدول الحراسات والتغيرات البيئية تصنع لك مجال تتفنن فيه بالوصول لأعدائك أو التسلل من خلال الطرق الجديدة من خلال الجليد المتجمد حول الجزيرة.
تقدر تستكشف المكان وتجري تحقيقاتك وأنت تبحث الشخصيات الثمانية، وهذا الشي مهم في اللعبة، لأن الشخصيات متوزعة في أنحاء الجزيرة والوقت ضيق للتنقل فيها، فتحتاج تعرف تحركاتهم في أوقات مختلفة عشان تضبط توقيتك بحيث تقتلهم كلهم قبل نهاية اليوم، ولحسن الحظ اللعبة مترجمة للغة العربية، فتقدر تحقق بدون مشاكل حتى لو لغتك الانجليزية مستواها متوسط أو ضعيف.
ويزيد صعوبة اللعبة وجود شخصية "جوليانا"، اللي تحاول تمنعك من تحقيق هدفك، وهدفها الرئيسي هو قتل شخصيتك في اللعبة.
ولا تشيل هم التكرار، لأنه مع الوقت فيه مهام ما راح تحتاج تسويها عشان ما تكون اللعبة مملة، وهذا الشيء اللي يميز لعبة DEATHLOOP عن الألعاب المشابهة لفكرتها.
اشترِ بلايستيشن 5 بأسرع توصيل
الأسلحة والإضافات
فيه تنوع في الأسلحة اللي تقدر تستخدمها، وطبعًا يرجع الموضوع لك في النهاية وأسلوبك في اللعب، فيه أسلحة راح تساعدك بالتسلل وأسلحة تنفع للقتال الشرس، وتقدر تعدل على أسلحتك بالشكل اللي تشوفه مناسب، مثل زيادة الرصاص أو تعديل ارتداد المسدس لما تطلق، وراح تحتاج إنك تبحث عن موارد تساعدك لتكون بعض الأسلحة معك لما تنتهي الحلقة، بحيث لما ترجع تعيد اليوم ما تحتاج تبحث عن سلاح وتضطر تعدله من جديد. وتقدر طبعًا تحصل على قدرات خارقة، مثل التنقل السريع أو الرجوع للحياة في حال انقتلت في وسط اليوم.
الرسومات والموسيقى
جزء جميل في اللعبة إن الرسم فيها مو واقعي، وأسلوب الشخصيات في القصة إلى حد ما يعتبر فكاهي ومضحك، والرسم نقدر نقول إنه رسم جميل وممكن شفنا شي مقارب له في لعبة Dishonored.
والموسيقى في اللعبة تنوعها وسيرها في القصة يعيشك الجو المناسب في الوقت المناسب، في المعارك راح يحمسك ويعطيك شعور الأدرينالين، أو في التجول تعيش أجواء الاستكشاف وفي التحقيق تكون موسيقى جميلة وهادية نوعًا ما.
جمّع جهاز بي سي قيمنق على ذوقك وميزانيتك
رأيي في اللعبة؟ لازم تجربها
ممكن الشرح هنا ما عطى اللعبة حقها، لأنه بصراحة الفكرة معقدة شوي، لكن تجربة اللعبة ممتعة جدًا والقصة جميلة ومثيرة.
التعقيد في اللعبة هو سر متعتها، والتخطيط اللي تحتاجه والاستكشاف اللي لازم تسويه عشان تكمل اللعبة غير ممل أبدًا، وسير القصة راح يخليك تتحمس تكملها حتى لما يرجع اليوم ويعيد نفسه، راح تستمر المتعة ولا راح تنقص حتى نهاية اللعبة.