إذا كنت من عشاق الأفلام والمسلسلات والألعاب، أكيد سمعت عن تقنيات دولبي أتموس ودولبي فيجن، اللي تحسن جودة الصوت والصورة على الشاشات بشكل مرئي ومسموع. في هالمقال، بنشرح لك هذي التقنيات وكيف تشتغل ووش علاقتها بتقنية HDR 10، اللي تعني High Dynamic Range أو نطاق ديناميكي عالِ.

 

 تقنية دولبي اتموس Dolby Atmos

 

دولبي أتموس هي تقنية صوتية تخلي الصوت يوصل بدقة في منقطة ثلاثية الأبعاد، بحيث انها تحرك الصوت من سماعة لسماعة بكل تفصيل ودقة. تقنية دولبي أتموس تخلق واقعية قوية للأصوات، لدرجة ظهور الصوت بدقة في المكان اللي يناسب المشهد بالمسافة اللي تطابق المشهد. تشتغل التقنية على مستوى صوت منخفض مقارنة بالأنظمة القديمة، يعني تسمع كل همسة وكل الأصوات الديناميكية تكون جزء من القصة.

 

 

تستخدم دولبي أتموس تقنية اسمها الصوت المبني على الأجسام أو Object-based sound، وهي تقنية محيطية مطورة تحدد مواقع صوتية معينة لأنواع صوتية مختلفة داخل مقطع صوت من  فيلم على سبيل المثال مثل الكلام داخل الفيلم يفرق عن حدة الموسيقى وحتى المؤثرات وكأنها جاية من 3 ابعاد مختلفة. تقدر دولبي أتموس تستخدم لـ 128 جسم صوتي و64 سماعة مختلفة.

 

مثلاً، مشهد محادثة في فيلم ممكن يكون فيه 20 صوت بالخلفية وصوت الشخصية يحيط بالمشاهد من 40 مكان وكأنها سماعات مختلفة. وهذا اللي يميز التقنية أنها باختصار تعطيك عمق صوتي وتدرج من جهاز واحد.

 

 تقنية دولبي فيجن Dolby Vision

 

دولبي فيجن هي تقنية HDR خاصة تستخدم بيانات ديناميكية تخلي منتجين الأفلام يتحكمون في التباين واللون والسطوع بدقة لكل مشهد لكل جهاز عرض يشغل أفلامهم. هذه التقنية تهدف لأنها تخلي الصور تطلع مثالية في كل مرة وتعطي مستوى جديد من الكثافة والدِقَّة المرئية. 

 كيف تفرق تقنية دولبي فيجن عن HDR 10؟

 

HDR 10 هي تقنية HDR مفتوحة المصدر تستخدم بيانات ثابتة تحدد السطوع الأعلى والأدنى للصورة بشكل عام. هذه التقنية تهدف إلى زيادة نطاق السطوع والألوان للصورة مقارنة بالتقنية العادية SDR أو Standard Dynamic Range.

 

 كيف ترتبط دولبي فيجن بـ HDR 10؟

 

تقنية دولبي فيجن تعتبر تطوير على تقنية HDR 10، حيث تستخدم بيانات ديناميكية تتغير مع كل مشهد وتتكيف مع خصائص كل شاشة. يعني دولبي فيجن تحسن الصورة وتعطيها تفاصيل أكثر من HDR 10، بس تحتاج جهاز عرض ومحتوى خاصين بدولبي فيجن واللي الأفضل في شاشات LG دولبي فيجن. بالمقابل، تقنية HDR 10 متوافقة مع أي جهاز عرض يدعم HDR، بس ما تستفيد من كل إمكانيات كل شاشة.

 

 دقة الألوان في دولبي فيجن

 

أحد الفروق الرئيسية بين دولبي فيجن و HDR 10 هو مستوى دقة الألوان اللي يمكن توصل له كل تقنية. دولبي فيجن تدعم أعلى دقة للألوان من HDR 10. بالتحديد، دولبي فيجن تستخدم 12 بت من البيانات لتحديد اللون، بينما HDR 10 تستخدم 10 بت بس. هذا الفرق قد ما يبان كبير من حيث الأرقام، لكنه يبين في جودة الصورة. كل مازاد عدد الـ بت تزيد دقة الألوان وتدرجها، وكل ماقلت تزيد التحولات المفاجئة باللون وهذا اقل طبيعية وانسيابية.

 

تخيل فيديو لغروب الشمس والألوان اللي تعرضها الشاشة قليل بيكون الغروب كأنه كرتوني وضعيف. بعكس لما تزيد الألوان ودقتها وتدرجها بتنقل لك صورة ممتعة ومريحة للبصر. 

 

 

 

في هالمقال، شرحنا لك تقنيات دولبي أتموس ودولبي فيجن وارتباطها بـ HDR 10. دولبي أتموس هي تقنية صوتية تخلِّ الصوت ثلاثي عميق ويدمجك بالمشهد أكثر مما تتخيل مثل صالات السينما اللي توفر تقنية دولبي، بينما دولبي فيجن هي تقنية HDR و4K تعرض إلى 8K تعطيك صورة حية وأكثر عمق وغزارة بالألوان.

 

هذه التقنيات تعتبر من أحدث التقنيات في عالم الترفية، وتستحق التجربة إذا كان عندك الجهاز والمحتوى اللي تتفرجه. وخصوصاً دعم شركات العرض مثل نتفلكس وديزني بلس للهذي التقنية.