افضل 10 ألعاب للجوال

 

 

كلنا نحتاج كم لعبة بجوالنا حتى لو كنا نملك بي سي او كونسول. بعض هذي الألعاب خفيفة و تلعبها عشان تضيع وقتك, بس بالفترة الاخيرة ألعاب الجوال صارت متطورة أكثر من قبل وتقدم لنا مستوى ممتاز. عشان كذا جمعنا لكم افضل الألعاب المجانية اللي تقدرون تحملونها على جوالاتكم.

 

 

 Genshin Impact  

قينشن من أشهر ألعاب الجوال بالفترة الاخيرة لانها تقدم مستوى ممتاز من العالم المفتوح وشيء ماتتوقع تشوفه من لعبة جوال. اللعبة عالم مفتوح مليان قصص ومهمات ممتعة, وبجانب الشخصيات وحركات القتال المتنوعة فاكيد اللعبة تحتاج مساحة ضخمة  .عشان تحملها ويمكن توصل اكثر من 6 قيقا وخصوصاً لان تحديثاتها مستمرة وجودتها عالية. اشحن حسابك بـ بطاقة ايتونز

متوفرة على: PS5, PS, PC, iOS, Android 

 

 

 Mario Kart Tour 

لعبة نينتندو الشهيرة ماريو كارت متوفرة على الجوال مجاناً وبسباقات تحمس و خرائط متنوعة وتقدر تختار الشخصية اللي تبيها وتعدل على السيارات باللي يعجبك والحلو فيها انك تقدر تلعبها اونلاين مع اصحابك وهذا بيزيد المتعة اكثر واكثر.

متوفرة على: iOS, Android 

 

Sky: Children of the Light  

سكاي من اللعاب اللي تعطيك شعور لعبة Journey بعالم حلو وواسع فيه تقدر تتعاون مع اللاعبين اللي حولك وتحلون الألغاز الموجودة باللعبة, و تقدر تكتشف العالم وتطير وتتجول براحتك بعالم جميل و جرافيكس ممتاز بالنسبة للعبة جوال. اشحن حسابك .في بلايستيشن ستور ببطاقة 

متوفرة على: iOS, Android, PS5, PS4, Nintendo Switch, PC

 

Dead by Daylight 

كلنا نعرف ان لعبة السرفايفل ديد باي ديلايت متوفرة على اجهزة الكونسول و البي سي, اللي الاغلب مايعرفه انها موجودة على الجوال بعد, صحيح جودتها اقل و في شخصيات وخرائط كثير ناقصه بس تقدر تضيف اصحابك وتلعبون مع بعض وتحاولون تهربون من المكان اللي محبوسين فيه او تختار تلعب بشخصية القاتل وما تعطيهم مجال للهروب.

متوفرة على: iOs, Android, PS5, PS4, XBOX Series S\X, PC

 

 

OXENFREE

لعبة بقصة غريبة وجديدة على ألعاب الجوال. كل خياراتك باللعبة راح تأثر بالقصة فلازم تحاول تحافظ على علاقتك باللي حولك. اللعبة تصير مجانية اذا كنت مشترك بنتفلكس وبعد تدعم اللغة العربية وهذا الشيء بيساعدك تختار الخيارات الصح بالحوارات وتندمج مع القصة.

متوفرة على: iOs, Android, PS4, XBOX One, Nintendo Switch, PC

 

Two Dots

لعبة تصفي عقلك وتعبي أوقات الانتظار بأنك تجمع نقاط من نفس اللون وترتبط باهتزاز جوالك بطريقة تحسسك بأرتباط النقاط. كل مرحلة تسحبك للمرحلة اللي بعدها وصح مافيها منافسة بس بتدمنها من أول ماتلعبها. ميزتها ببساطتها لكن المستويات العالية تتطلب منك تفكير واستراتيجيات. 

متوفرة: iOS, Android 

 

  NBA 2k Mobile 

لعبة كرة سلة تعطيك تجربة مختلفة عن باقي الألعاب, من الألعاب اللي بتصدمك من جودتها, حركة اللاعبين واللعب فيها خفيف وسلس ويخليك تلعب قيم ورا الثاني بدون ماتحس. ونقدر نقول انها من افضل ألعاب الجوال. 

متوفرة على: iOS, Android 

 

Shadow Fight 3 

لعبة قتال كلاسيكي ممتعه وحماسها ماينتهي. اللعبة لها أجزاء قبل الثالث وبعده لكن الثالث يعتبر الافضل من ناحية القتال ولان مافيه قلتشات كثيره خصوصاً اذا كنت بتلعب اونلاين. وبعد يمديك تلعب ضد بوتات وتتدرب. وحده من الألعاب اللي لازم تعطيها فرصة وتشوف رهابتها. 

متوفرة على: iOS, Android 

 

Rise of Kingdom 

رايز اوف كينج دوم من الألعاب اللي بتخليك تلعبها لمدة أكثر من ما تتوقع. لازم تبني مملكتك و تجمع مواردك و تطور من نفسك لين تقدر تهجم على اللي يحولك وتسيطر على أراضيهم. لعبة بسيطه بس بتخليك كل يوم تلعبها عشان تشوف وش بيصير.

متوفرة على: iOS, Android 

 

 Inside 

لعبة الغاز بعالم سوداوي. الحركة باللعبة محدودة لكن تحركات شخصيتك تحسها عفوية و طريقة اللعب تجذبك انك تكمل, اللعبة بتكونون مجاناً بالبداية لكن كل ماكملت القصة راح يطلبون منك مبلغ عشان تكمل القصة. اللعبة ممتعة وخفيفة. 

متوفرة على: iOs, Android, PS4, XBOX One, Nintendo Switch, PC

 

 

 مع كل تقدم بالتقنية ألعاب الجوال صارت أفضل بكثير مما نتصور ونتوقع منها. عشان كذا لازم تجرب هذي الألعاب اللي بتعطيك تجربة متكاملة وتغير منظورك عن ألعاب الجوال وبدون أي تكلفة لأن كل هالألعاب اللي ذكرناها لك مجانية وتقدر تلعبها على كل أنواع الجوالات.