كل شيء نعرفه عن لعبة ستريت فايتر 6

⇦ عوده

لعبة ستريت فايتر 6 أخر إضافة لسلسلة العاب القتال الرهيبة من كابكوم. ومُخطط انها تنزل في 2 يونيو على البلايستيشن 5, والاكس بوكس إكس وإس, وستيم. اللعبة توعد انها تقدم تجربة مثيرة وجديدة للاعبين السلسلة الجدد والخبراء القدامى. وهذي بعض التفاصيل المهمة اللي لازم تعرفها عن ستريت فايتر 6.

أنماط اللعب:

ستريت فايتر 6 توفر لك 3 أنماط أو أطوار مميزة تلبي تفضيلات اللاعبين المختلفة.

ستريت فايتر 6 اونلاين

1- طور القصة الفردي (رحلة حول العالم | World Tour):

نمط القصة الرئيسي للعبة, فيه بتقدر تتابع مغامرات شخصياتك المفضلة وتشوف الأحداث الملحمية اللي تصير في عالم ستريت فايتر 6. بتقدر تختار أكثر من مسار وسيناريوهات مختلفة وقراراتك بتأثر على القصة. ومن الطور هذا تفتح ملابس أو سكنات للشخصيات, مراحل, وأغاني إضافية كل ما تقدمت في الطور.

2- طور الاونلاين (ساحة القتال | Fighting Ground):

في طور ساحة القتال تقدر تنافس لاعبين من جميع أنحاء العالم في مباريات رانكد أو ودّية, وتقدر تسوي أو تنضم للوبي يدعم إلى 8 لاعبين. وفيه تواصل بالصوت وحتى الرسائل النصية. وتقدر تخصص أو تزين حسابك بأشياء كثيرة أو حتى تحط صورة رمزية لك. وبتشوف إحصائياتك وتصنيفك في ال CFN اللي هو الـ Capcom Fighters Network أو شبكة مقاتلي كابكوم.

شوارع ستريت فايتر 6

3- الطور الإجتماعي (مركز المعركة | Battle Hub):

في الطور هذا تقدر تتفاعل مع لاعبين في مساحة افتراضية. تقدر تسوي مساحات أو تنضم لمساحات ثانية فيها قوانين وأنشطة مختلفة مثل بطولات, تحديات, كابينة DJ, ومكان للتصوير.

مؤشر ستريت فايتر 6

مؤشر الإندفاع | Drive Gauge:

ستريت فايتر 6 أضافت تقنية جديدة تسمى بالـدرايف قيج أو مؤشر الإندفاع. وهو عداد يزيد لما تضرب أو تنضرب. العداد له مستويين, وتقدر تستخدم الدرايف قيج عشان تسوي هجمة قوية أو تقوي قدراتك.

الهجمة القوية | Drive Attack:

هذي هجمة خاصة تستهلك مستوى واحد من المؤشر. وكل شخصية عندها هجمتين مختلفة. هجمة لقدام وهجمة لورا. مثلاً هجوم الشخصية رِيو على قدام يسوي شوريوكن, ويقدر يستخدمها عشان يصد الضربات اللي جاية من فوق أو يستخدمها في نهاية كومبو. وهجمته اللي على ورا هي هادوكن ويقدر يشحنها عشان يزيد سرعتها وقوتها.

وضع الإندفاع | Drive Mode:

هذي الحالة تستهلك كل المستويين من المؤشر. لما تشغل الوضع بتصير الشخصية تنور وبيكون عندك حركات وقدرات جديدة لوقت بسيط. مثلاً شخصية تشن لي , لو دخلت وضع الإندفاع بتقدر تسوي حركتها الشهيرة الركلات اللي ورا بعض.

مؤشر الإندفاع بيضيف طبقة من الإستراتيجية والعمق لطريقة اللعب لأنك بتصير لازم تقرر متى وكيف تستخدم المؤشر بشكل فعال. وتقدر تغير الوان المؤشر زي ما تبي في قائمة إنشاء الشخصية.

الشخصيات:

ستريت فايتر 6 تتميز بقائمة متنوعة من الشخصيات, وكل واحدة منهم له شخصية مختلفة واسلوب قتال مختلف وقصة مختلفة. وفي الاصدار التجريبي المفتوح كان فيه 8 شخصيات وكان منهم شخصيتين جديدة.

لوك ستريت فايتر 6

لوك | Luke:

مقاتل يعتمد على قبضات يدينه في القتال. عنده هدف يكون أقوى ويكون أحسن من أبوه اللي كان جندي أسطوري. ويخاف من العاب الرعب.

جايمي ستريت فايتر 6

جامي | Jamie:

مقاتل غامض يستخدم رجوله في القتال ويعتمد على الشرب كثير. وهو عضو في منظمة سرية هدفها تتلاعب بأحداث العالم. ويكره أي أحد يعطيه محاضرات.

والشخصيات الباقية اللي كانت موجودة هي: ريو, تشن لي, غايل, كيمبرلي, جوري, وكِن. بيضيفون شخصيات زيادة في التحديثات الجاية وبالمحتويات الإضافية.

الجرافيكس والصوت:

تتميز لعبة ستريت فايتر 6 بجرافيكس جبّار وصوت يضيف الحياة للعبة. اللعبة صُمِمَت بإستخدام محرك ثلاثي الأبعاد أنريل إنجن 5 عشان تكون واقعية لدرجة انها تبين كل التفاصيل المتعلقة بالمراحل والشخصيات. واللعبة فيها إضاءة ديناميكية تتغير على حسب الوقت والظروف الجوية.

والحلو بتصميم الصوت انه يعزز أجواء اللعبة. اللعبة فيها موسيقى تصويرية مؤلفة من فنانين مختلفين تتناسب مع الشخصيات والمراحل. واللعبة فيها أداء صوتي بلغات كثيرة من ضمنها الانجليزي, والياباني, والصيني, والكوري, والفرنسي, والأسباني وغيرها.

ستريت فايتر 6 لعبة ما تتفوت. خصوصاً اذا كنت من عشاق العاب القتال. بتقدم لك تجربة حلوة ومتنوعة تناسب كل الأذواق. سواءً كنت تبي تلعب طور قصة ممتع أو تبي تنافس لاعبين على النت أو حتى تكوّن علاقات جديدة في المساحات الافتراضية. اللعبة بإختصار أكيد فيها شيء يناسبك. اطلبها مسبقاً الحين وخلك جاهز.