VRR vs Free Sync vs AdaptiveSync ايش الفرق بينهم؟
VRR vs Free Sync vs AdaptiveSync ايش الفرق بينهم؟
VRR … Free Sync….AdaptiveSync ….كل هذي تقنيات عرض بالشاشات صارت متداولة بشكل كبير، وصارت معيار ما يشتري القيمر شاشته إلّا وتكون داعمة لتقنية معينة منها. لكن تدري إن هذي التقنيات ما هي شيء ملموس موجود جوّا الشاشة نفسها بعكس اللي يعتقده الكثير!!
التقنية الوحدة من هذي التقنيات تجي زي السوفت وير ولو توفر السوفت وير هذا بالشاشة وبكرت الشاشة سوا تقدر تستفيد منها.
مثلاً لو قلت إن شاشتك تدعم VRR لازم يكون كرت الشاشة يدعمها بعد وبعدها تتفعل الخاصية عن طريق لوحة تحكم في كرت الشاشة أو من إعدادات الشاشة، لكن لو عندك شاشة تدعم الـ VRR وكرت الشاشة ما تدعمها ما راح تستفيد من التقنية لإنها ما بتتفعل إذا كانت مدعومة بالشاشة بس دون بطاقة الرسومات والعكس صحيح.
الآن، وبعد ما فهمت بصورة عامة تقنيات العرض هذي بنقولك بهذا المقال شوي أكثر عن كل تقنية، عشان إذا جيت تشتري شاشة تلقى الموضوع بسيط وتاخذ القرار اللي تلقاه أفضل عشان تستفيد من التقنية اللي تدعمها. لكن أول شيء لازم نكلمك عن مصطلح "الفريم" أو الإيطار عشان لو ما كنت فاهم معناه ما راح تقدر تفهم باقي هذا المقال.
الفريم ببساطة معناه صورة مفردة معروضة على الشاشة.. الفيديو الواحد مهما كان نوعه تقدر تشوفه على أساس إنه أكثر من صورة (أو فريم) تنعرض على الشاشة بشكل متتابع، وكمية الصور اللي تنعرض على الشاشة خلال الثانية الوحدة لها وحدة قياس وهي فريم لكل ثانية fps أو يتسمى معدل الفريمات.
تعتمد سرعة عرض الفريمات بشكل أساسي على معدل تحديث الشاشة، وسرعة معالجة الرسومات في الجهاز، وعلى هذا الأساس تختلف التقنيات اللي بنكلمك عنها بهذا المقال.
وأول تقنية فيهم هي تقنية VRR (Variable Refresh Rate) ومعناها بالعربي:
تقنية التحديث المتغير
واللي تعطي الشاشة القدرة على إنها تضبط معدل تحديثها عشان يصير متوافق مع معدل الفريمات اللي تنعرض على الشاشة.
الشاشات التقليدية اللي ما تدعم تقنية الـ VRR فيها معدل تحديث ثابت؛ وهذا الشيء يخليك تقدر تشوف أخطاء بصرية بالشاشة زي التشويش والتمزق والتأخر في الإدخال خاصة وإنت تلعب ألعاب فيها مشاهد حركة سريعة ومعدل الفريمات مش متناسقة؛ عشان كذا سوّا المختصين تقنية الـ VRR عشان يخلصونك من كل الأخطاء البصرية عن طريق تحديث الشاشة لما يكون في فريمات جديدة بس؛ وهذا الشيء بيخلي تجربتك أسلس وأفضل.
لكن لازم تعرف إنّ كثير بطاقات رسومات ما تدعم الـ VRR وبالتالي لو كانت عندك شاشة تقليدية أو شاشة مع VRR راح تكون نفس النتيجة.
التقنية الثانية اللي بنكلمك عنها هي تقنية Adaptive Sync هذي التقنية يكون فيها التحديث متغير بعد لكن التغيير يكون بشكل ديناميكي عشان معدل فريمات المحتوى يتطابق مع المعروض على الشاشة؛ وبالتالي لو انعرض على الشاشة محتوى ديناميكي زي الألعاب الحركية تظهر بشكل أكثر سلاسة من الـ VRR. الشيء اللي يعتبره البعض سلبي بهذي التقنية إنها مدعومة ببعض بطاقات الرسومات الحديثة بس..
فلو كان عندك بطاقة قديمة ما راح تدعمها على الأغلب وبالتالي ما تقدر تستفيد من هذي التقنية. مهم تعرف إن الجمعية اللي صنعت هذي التقنية هي VESA وتركت الخيار لأي شركة تصنيع شاشات باستخدام الـ Adaptive Sync واعتبرت هذي التقنية معيار مفتوح، بمعنى هل هذي الشاشة ترتقي لإنها تكون أدابتيف سينك أو لا؟
ثالث تقنية هي FreeSync وهي تقنية طورتها شركة AMD عشان توفر معدل تحديثات متغيرة؛ التقنية هذي مصممة عشان تقلل من التمزق اللي يبين بالشاشة بسبب إن معدل التحديث الشاشة ومعدل إطارات وحدة معالجة الرسومات غير متزامنين، وتساعد بعد على إنها تقلل من الانقطاع اللي يصير وقت لعب الألعاب الرقمية.
على عكس الشاشات التقليدية اللي فيها معدل تحديث ثابت، تقدر الشاشات اللي تدعم FreeSync تغير معدل تحديث الشاشة عشان يتطابق مع معدل الإيطارات لبطاقة الرسومات، وهذا اللي يخلي تجربة لعبك أقوى بكثير! FreeSync مثلها مثل الـ Adaptive Sync يعتبرونها معيار مفتوح لأي شركة تصنيع شاشات عشان تستخدمه ويدعمه عدد كبير من الشاشات وبطاقات الرسومات.
عشان تستخدام الفري سينك بتحتاج لبطاقة رسومات AMD متوافق مع شاشة تدعم هذي التقنية، وأول ما توصِّل كل شيء راح تتفعّل الخاصية بشكل تلقائي.