الاكسسوارات اللي بتنقل أي سيت آب لمستوى ثاني

الاكسسوارات اللي بتنقل أي سيت آب لمستوى ثاني

 

 

بوقتنا الحالي ما عادت الألعاب الإلكترونية نشاط ترفيهي عادي يتسلون عليه القيمرز بس؛ فهذي الألعاب صارت نمط حياتي يمشي عليه ويطورون فيه ويغيرون عليه عشان يناسب احتياجاتهم، ومن هنا جت مصطلحات "سيت اب" و "سيت اب قيمنق" اللي تشير لملحقات الألعاب اللي تتكون من برامج وأجهزة تساعد اللعيبة على تحسين رفاهيتهم وقت اللعب وتوفر لهم تجربة لعب أفضل. 

 

 

• كرسي القيمنق 

أول وأهم جزء من السيت أب هم كراسي القيمنق اللي تعتبر شيء أساسي بكل سيت أب قيمنق، هذا لأن القيمرز بالغالب يقضون أوقات طويلة جداً وهم جالسين وبالتالي يحتاجون لكراسي تساعدهم على اللعب وهم مرتاحين.

 

من هنا توفرت مجموعة كراسي بمواصفات وتصاميم مختلفة من ناحية زاوية ميلان الكرسي، حشوة الكرسي، وجود وسادات أو لا، نوع العنصر اللي يتصنع منه الكرسي، اللون، الهيكل، وغيرها كثير أمور تميز كل كرسي عن الثاني.

فإذا كنت تدور على كرسي قيمنق ينقل السيت أب حقك لمستوى ثاني؛ لازم تقرأ كل هذي المواصفات وتقرر ايش اللي يناسبك منها أكثر شيء.

 

• سماعات القيمنق

السماعات من أهم مكونات السيت أب لأن الصوت يساعدك تعيش تجربة اللعب بشكل واقعي أكثر، ومع تطورات التقنية الألعاب الحين وتوزيع الصوت فيها مهم جداً.

 

ومثل أي قيمنق سيت أب تختلف السماعات بأشياء كثيرة أهمها نوع الاتصال بالبي سي سواء كان سلكي أو لاسلكي، شكل السماعات، جودة الصوت، خواص عزل الصوت وإلغاء الضجيج، المكيروفون، اللون، إضاءة الـ RGB، وغيرها كثير أمور يختلف اختيارها حسب التفضيلات الشخصية للقيمر.

 

طبعاً شركات كبيرة كثيرة صنعت سماعات للقيمز وتنافست على الموضوع؛ عشان كذا تقدر تلقى مواصفات عالية من أكثر من شركة مصنعة وبأسعار ما هي عالية، كل اللي عليك إنك تقارن بين المواصفات وتحدد السماعة اللي تناسبك وتكمل السيت أب حقك.

 

 

• الإضاءة

تقدر تعتبر إن لوحات وشرائط الإضاءة هي طريقتك المثالية عشان تضيف لمستك الشخصية الخاصة للقيمنق سيت أب حقك.

 

تقدر تنوع بين أكثر من لوحة وكيبل بإضاءات مختلفة عشان تسوي تخطيطات وتكوينات بالشكل اللي يناسبك ويساعدك تلعب بحماس أكبر بسبب التأثير اللطيف اللي تتركه الإضاءات العالية والانعكاسات على الأجواء واللي تتخصص وتضبّط ألوانها والمزامنة حقتها بعد مع بقية السيت أب زي الكيبورد والماوس أما عن طريق برامجها الخاصة أو عن طريق برامج مدمجة مايتحاج لها تحميل أي شيء زيادة. 

 

• الماوس باد

تهدف الماوس باد بشكل أساسي لتقليل احتكاك الماوس بأي شيء ممكن يخرّب عليه حركته بشكل مستقيم على سطح الطاولة ولأن عادةً التصويب والحاجات الدقيقة بالألعاب تعتمد على حركة الماوس فيعتبر الماوس باد مهم جداً.

 

وهذا اللي خلّا شركات الألعاب تسوي الماوس باد بأشكال، أحجام، مواد، وألوان متنوعة عشان تسهّل على القيمر يختار اللي يناسبه أكثر شيء. كمان تقدر تلقى إضاءة RGB مرفقة مع بعض أنواع الماوس باد عشان تساعدك تضيف لمستك الخاصة.

 

كل العناصر اللي ذكرناها بالمقالة فوق تساعدك تبدأ بتكوين السيت أب حقك، راح تحتاج بعد طاولة قيمنق عشان تكمل شكل السيت أب وتعرضه بطريقة حلوة وما هي حوسه، ولو كنت من اللي يحبون المجسمات والتماثيل الكرتونية تقدر تزين السيت أب حقك بشيء من هذا النوع عشان تعيش الأجواء صح، وطبعاً لو كنت محترف لا تفوتك معدات الستريم المتنوعة واللي أهمها الكاميرا والمايكروفون الاحترافيين.

 

بالنهاية تقدر تقول إن سيت اب القيمنق يساعدك على تحسين تجربة لعبك وتخليك مرتاح أكثر وإنت تلعب أو حتى تشتغل وتدرس.

 

وهو من الأشياء اللي تقدر تعتبر بعضها أساسية خاصة الكرسي لأنها تساعدك على حماية ظهرك وإنت جالس فترات طويلة.

 

وتقدر تعتبر بعضها جمالية مثل السيت أب اللي فيها إضاءة RGB وتجي بتصاميم وهياكل جميلة، لكن بصورة عامة كل هذي الأشياء تضبط مود الجلسة وتخليك تندمج وترتاح.