أفضل الألعاب القصصية
شارك
⇦ عوده
أفضل 7 الألعاب القصصية
الألعاب القصصية تصنف من القصص التفاعلية اللي صار لها جمهور كبير وهالفترة زاد ومع وجود كثير من المطورين اعطوها اهتمام كبير.
هالنوع من الالعاب يتركز على القصة فقط و مايتطلب منك جهد لان مافيه قتال وحركتك فيها محدودة جداً بس كل اختيار بتختاره باللعبة راح يكون له عواقب وممكن تقتل شخصية مهمة بمجرد انك قلت شيء خطأ او اخترت تصرف بالخطأ.
بهذي المقالة جمعنا لكم أفضل الالعاب القصصية. واللي مالعبها فاته الكثير. وميزة هذي الألعاب إنها كأنها فيلم أو مسلسل أو حتى مانجا وأنت لك يد بقرارات وسير الأحداث.
1- سلسلة The Walking Dead (ذا واكينغ ديد)
ذا واكينغ ديد تعتبر من اشهر الالعاب القصصية وافضلهم. اللعبة مستوحاة من الكوميكس وبتحس بهالشيء من رسوماتها والجرافيكس.
تبدأ اللعبة مع شخصية لي اللي يحصل الطفلة كليمنتاين لوحدها في بداية انتشار الزومبي او السائرون ويقرر ياخذها معه عشان يحميها ويرجعها لاهلها, ومن هنا تبدأ رحلة مليئة بالمشاعر.
ولانها لعبة قصصية, انت المسؤول كيف القصة بتكون ومين بيعيش ومين بيموت كله بيكون حسب اختياراتك باللعبة.
اللعبة تتكون من اربع اجزاء ومتوفرة على كل المنصات.
PS4, PS5, Xbox One, Nintendo Switch, PC,Android, iOS
2- The Quarry (ذا كوواري)
تعتبر من اجدد الالعاب القصصية اللي صدرت عام 2022 وحصلت على تقييمات عالية جداً.
اللعبة لعبة رعب ويتخليك على اعصابك طول الوقت. فيها انت بتتحكم بتسعة مراهقين مخيمين بالغابة لوحدهم, حياتهم بتكون بين يدك لان في هذي الغابة في قاتل يترقب تصرف خاطئ منك.
الحلو باللعبة انك تقدر تلعبها لحالك او مع شخص على نفس الجهاز وكل واحد منكم بيمسك مصير الشخصية اللي يبيها. اللعبة متوفرة على منصات
PS4, PS5, PC, Xbox One, Xbox Series.
3-سلسلة Life is Strange (لايف از سترينج)
السلسلة راح تاخذك لتجربة جديدة على انها غالبا قصصها ثقيلة وسوداوية الا ان الموسيقى والجرافيكس يخليك مسترخي وانت تلعبها.
كل جزء له قصته وشخصياته الخاصة بس بيكون بينهم شيء مشترك, كل شخصية بيكون لها قوة خارقة مختلفة عن اللي قبلها, شخصية تتحكم بالوقت وتقدر ترجعه لوراء وشخصية تتحكم بالأشياء وتحركها والاخيرة تحس بمشاعر كل الناس اللي حولها وتشاركهم كل مشاعرهم.
كل واحد من هالشخصيات بيكون مصيرها بيدك و خياراتك بتتحكم إذا نهايتهم بتكون سعيدة أو لا. اللعبة متوفرة على منصات
PS4, PS5 ,Xbox One, Nintendo Switch, PC
4- What Remains Of Edith Finch (ماتبقى من إيدث فينش)
واحدة من افضل الالعاب القصصية اللي تاخذك ب بيت عائلة ايديث بعد وفاتهم عشان تكتشف كل واحد من اهلها كيف مات.
الرسومات وسرد القصص يجذبك و يخليك تخلص اللعبة بجلسة وحدة عشان تكتشف وش صار لكل شخص, وهل عائلتها صدق ملعونين بلعنة تقتلهم او كل اللي قاعد يصير من باب الصدف؟ ايديث تحاول تلاقي الجواب وهي تبحث بأغراض عائلتها وتشوف آخر لحظاتهم بالحياة كيف كانت. اللعبة متوفرة على منصات
PS4, PS5, PC, Xbox One, Xbox Series.
5- ديترويت: نحو الانسانية
من المستحيل نتكلم عن الألعاب القصصية و ديترويت ما تكون من اللسته. لانها تعتبر من اشهر الالعاب وخصوصاً لانها مدبلجه ومترجمة وماتحتاج لغة مثل الالعاب الباقيه.
القصة بتكون عن ثلاث روبوتات واحد منهم ساعد بانقلاب الروبوتات على البشرية وانت تتحكم بتصرفاتهم اتجاهه هالانقلاب وهل بيكونون معه أو ضده.حط ببالك ان للعبة 85 نهاية مختلفة فبالتاكيد كل خيار تختاره بيأثر على القصة ونهايتها. اللعبة متوفرة على منصات
PS4, PS5, PC.
6- Firewatch (فايرواتش)
في هذه اللعبة راح نعيش مع هنري بوظيفة مراقب حرائق في غابة يواجه فيها أحداث غريبة مرعبة بيحاول يكتشف مصدرها.
الموسيقى والمحادثات تخليك تنسى عالمك الحقيقي وتندمج معها أكثر. صحيح اللعبة فيها خيارات بس اختياراتك ماراح تغير أحداث القصة ابداً, راح تغيير فقط المحادثات بين الشخصيات واللي بتأثر على تطور شخصيتك وكأنك أنت اللي تبنيها. اللعبة متوفرة على منصات
PS4,PS5,Xbox One,Nintendo Switch,PC
7- The Stanley Parable (حكاية ستانلي)
ستانلي هو موظف اختفى زملائه من المكتب ف قرر يطلع يبحث عنهم. طول هالوقت بيكون في شخص يحكي لك كلاعب ستانلي وش بيسوي بالضبط بس بيكون بيدك خيار انك تسوي اللي يقوله او لا.
مثلاُ قدامك بابين, هو بيقولك ستانلي راح يمين بس انت تقدر تترك كلامه وتروح يسار! اللعبة لها نهايات كثيرة وتقدر تعيدها اكثر من مره عشان تكتشف وش بيصير بكل نهاية. اللعبة متوفرة على منصات
Nintendo Switch, PS4, PS5, Xbox One and Xbox Series.