كلنا نعرف إن كراسي القيمنق بدأت تنتشر في الفترة بين 2001 لـ 2006م واللي بدأ بتصنيعها كانت شركة عادية تخصصها إنتاج كراسي السيارات الفخمة والرياضية، هذي الشركة قررت إنها تسوي كراسي فيها مسند للظهر أعلى من مسند ظهر أي كرسي عادي؛ عشان توفر دعامة للي بيجلس عليه خاصة عند الكتف والظهر؛ هذا اللي بيعطيه شعور أقل بالضغط وهو جالس؛ فلمّا يطوّل بالجلسة ما يحس بأي ألم.

 

من هنا، بدأت مواصفات كرسي القيمنق تطوّر أكثر وأكثر وصار فيه خواص تخليك تقدر تضبط خواص الكرسي وتعدله على مزاجك زي ضبط مسند الظهر وتغيير زاوية الميل ووسادة الرأس ومساند اليدين؛ هذا اللي خلّى كثير ناس يفضلون كراسي القيمنق ويتابعون جديد خواص الكراسي اللي تنزل في السوق بعد؛ خاصة إنه أوقات استخدام اللابتوبات والبي سيز صارت تتزايد أكثر وأكثر بعد ما صار كل شيء متوفر أون لاين.

 

 

كيف صار كرسي القيمنق مشهور أكثر من كرسي المكتب؟

 

يقولون كثير إن كراسي المكتب يستخدمونها حقّين البزنس والأعمال، وكراسي القيمنق بيستخدمونها القيمرز وحقيّن السوشيال ميديا، لكن هذي الأقوال ما هي صحيحة؛ فبآخر فترة كل الناس من كل فئات المجتمع صارت تستخدم كراسي القيمنق؛ عشان يستفيدون من الخواص اللي توفرها هذي الكراسي واللي بنفصلها لكم كالتالي:

 

حشوة الكرسي بجودتها العالية ومساحة المقعد الواسعة اللي تخلي الجلوس لفترات طويلة أريح.

 

مسند الظهر ووسادة الرأس واليدين اللي يتعدلون بسهولة ويخلون الجلوس بوضعية صحيّة موضوع بسيط خاصة عند الجلوس لفترات طويلة قدام الشاشات، وفوقها يساعدون على تعديل مجال الرؤية بضبط زاوية ميل الظهر ووسادة الراس وارتفاع المقعد بطريقة تحافظ على مسافة صحيّة بين الشاشة والكرسي فبيقللون الضغط والاجهاد على العين.

 

قاعدة الكرسي معدنية تتحمل أوزان ثقيلة دون ما تنكسر وهذا بيخلي أي كرسي قيمنق مناسب للي أوزانهم ثقيلة، لكن يختلف الوزن اللي يتحمله الكرسي حسب موديل الكرسي وبرانده، وبالغالب الشركات المصنعة بيكتبون الوزن الأقصى اللي يتحمله الكرسي.

 

كملخص تقدر تقول إن كراسي القيمنق هي أفضل خيار للكل سواء كانوا قيمرز أو لا بسبب هذي الخواص اللي تتوفر فيها دوناً عن غيرها من الكراسي المكتبية، لكن الميزة الوحيدة اللي تميز كراسي المكتب عن كراسي القيمرز هي الأسعار؛ فأسعار كراسي المكتب أقل بكثيير من كراسي القيمنق لكن هذا على حساب الجودة والميزات.

 

ايش الأساليب اللي استخدمتها شركات تصنيع كراسي القيمرز عشان تخلي القيمرز يحبونها؟

 

تعددت الأساليب التسويقية اللي اتبعتها شركات تصنيع كراسي القيمرز عشان تحبب القيمرز فيها وتخليهم يستخدمون كراسيها دوناً عن غيرها من الشركات، وطبعاً من أهم هذي الأساليب وأكثرها رواج في هذي الفترة هم اليوتيوبرز المتخصصين بمجال القيمنق.

 

لأنه أكيد متابعينهم بيكونون مهتمين بموضوع القيمز وبيتابعون تفاصيل القيمز وأخبارها والتريّكات اللي فيها من قنواتهم، وهذا اللي يخلي التسويق من خلال يوتيوبرز القيمنق العالميين والمحليين كبيرهم وصغيرهم من أسهل الطرق وأكثرها فعالية لوصول شركات تصنيع الكراسي للقيمرز. والشيء نفسه ينطبق على البلوجرز اللي عندهم مدونات تتكلم عن الألعاب أكيد.

 

ايش أكثر كراسي القيمنق مبيعاً في لاعب؟ وايش الكراسي اللي بننصحكم فيها؟

 

تختلف مبيعات الكراسي حسب التفضيلات الشخصية لمستخدمين موقع وتطبيق لاعب من ناحية اللون والسعر والبراند اللي يفضلونه المشترين والخواص اللي تميز المنتج وغيرها كثير أمور، هنا أكثر ثلاث كراسي قيمنق مبيعاً في لاعب واللي ننصحكم فيها:

 

 

 كرسي القيمنق من ريز،  اسكور اكس - الحجم اكس لارج

 

يتميز هذا الكرسي بحواف مقعد مايلة وحشوة مريحة تحت طبقات من الجلد الصناعي المتين اللي يخلي الجلوس عليه لفترات طويلة مريح، وفوقها مساند اليدين تدور للداخل والخارج ومسند ظهر بحجم كبير ويتعدل ميلانه وغيرها من المزايا. هذا الكرسي يتحمل أوزان تصل لـ 180 كيلو غرام بسبب قاعدته المتينة وعليه ضمان مدتها سنتين وهذا اللي خلاه من أكثر الكراسي مبيعاً في لاعب.

 

كرسي قيمنق من انداسيت، سيريز كايزر 3 بريميوم - الحجم اكس لارج

 

متوفر هذا الكرسي بألوان كثيرة تناسب أذواق اللي بيشترونه عن طريق لاعب مع ضمان مدتها 6 سنين، مع إن سعره قليل بالنسبة لغيره من الكراسي لكن تصميمه مميز ويوصل لأعلى المعايير؛ ففيه دعم قطني مدمج بـ 4 اتجاهات عشان راحة الظهر، وقاعدة مقعد بحشوة سميكة، مساند رأس وايدين بمزايا متعددة ويغطيهم جلد Duraxtra اللي يتميز بمتانته وملمسه اللطيف.

 

كرسي قيمنق كوقر، ارمور اس - حجم لارج

 

هذا الكرسي من الموديل ارمور اس يحمل وزن أقل من الاثنين اللي قبله، فأكثر وزن يقدر يستحمله 120 كيلو غرام، على عكس النسخة الثانية من الموديل ارمور تيتان اللي صنّعته نفس شركة كوقر واللي يتحمل حتى 160 كيلو غرام. يتميز هذا الكرسي بتصميم مميز بعد وبقدرته العالية على التعديل ابتداء من الظهر ومساند اليدين وانتهاء بزاوية الميل. 

 

 

طبعاً هذي الكراسي وغيرها ما هي إلّا لمحة من الكراسي المتوفرة بالسوق، كل اللي عليكم إنكم تشيكون اللي يناسبكم من حيث الموديل واللون والسعر والمزايا وتختارون اللي يناسبكم.