كيف تختار سماعات تناسب احتياجك

تدري أول سماعة استخدِمت بالتاريخ كانت بالسياسة والحروب؟ هذي السماعة استخدمتها القوات البحرية الأمريكية بالحرب العالمية الأولى؛ وكان هدفها مساعدة الجنود عشان يتواصلون مع بعضهم بسهولة. أمّا الحين، ومع التطورات صارت السماعات تستخدم حرفياً لكل عمليات التواصل وصارت موجودة بعد بكل بيت تقريباً؛ من هنا قررنا نساعدك تتعلم كيف تختار سماعات تناسب احتياجاتك من حيث الشكل وراحة الاذن وغيرها من الأشياء اللي لازم تاخذها بعين الاعتبار واللي بنرشدك ونوضح لك ياها بهذ المقال لتتعلم كيف تختار صح حسب ميزانيتك واحتياجاتك.

 

السماعات حسب شكلها 

يختلف الناس وتفضيلهم لنوع السماعات اللي تناسبهم بسبب اختلاف أشكال اذانهم وهذا اللي يخلي السماعات اللي تعتبرها انت مريحة يعتبرها غيرك سيئة والعكس صحيح، هذا غير عن الذوق الشخصي لشكل السماعات اللي نعتبره عامل مهم. من هنا لازم تعرف إن السماعات لها أشكال وأكثر هذي الأشكال انتشاراً هي:

 

 

 

 

1- سماعات رأس- فوق الاذن: تعتبر هذي السماعات مريحة بالنسبة لكثير أشخاص، وهذا لأنها ما تلمس الاذن وهذا اللي يخليها توصل الصوت بشكل طبيعي أكثر؛ لأن لمس السماعات للاذن يسبب تغييرات في الصوت. سماعات الرأس فوق الاذن فيها مكبر صوت محيطي عشان يكون حوالين الاذن دون ما يلمسها وهذا اللي يعطيك ميزة عزل الصوت المحيط والموسيقى في حال كانت السماعات مغلقة بالكامل لكن طبعا بيتسرب الصوت من خلال الاذن، وإن كانت سماعات الرأس فوق الاذن مفتوحة فيخلي العزل قليل وبالتالي صعب تستخدمها في أماكن عامة؛ لأنك ما راح تركز بالأصوات اللي طالعة من السماعات.  

 

2- سماعات داخل الاذن - ايربدز: مع إن هذي السماعات أكثر شي دارجة في السوق بآخر فترة، لكنها تعتبر الأسوء من ناحية عزل الصوت ودقة الصوت، خاصة لإنها تنلبس في مجرى محارة الاذن اللي يخليها تأثر على جودة الصوت الصادر منها. طبعاً هذا ما يعني إنك راح تلاحظ فرق كبير إلا لو كنت خبير بالسماعات خاصة لو كانت الايربدز اللي انت مشتريها حديثة وسعر ومواصفات عالية.

 

3- سماعات الاذن داخلية: هذي هي السماعات العادية اللي كانت منتشرة قبل الايربدز، سماعات الاذن الداخلية تختلف عن الايربدز بأنه لها حجم أصغر وتصميم بسيط؛ هذا اللي خلاها منتشرة لفترة طويلة من الزمن، طبعاً عدا عن جودة الصوت الحلوة نسبياً وكونها توفر نسبة عزل متوسطة بسبب وجود فراغ صوتي بين طبلة اذنك ومكبر الصوت الداخلي.

 

 

خصائص الصوت في السماعات

القيمرز يستخدمون الكلمات High و Base  و Turbo كثير لما يختارون لهم سماعات قيمنق، ففي حال كنت تفكر إيش معنى هذي الكلمات فنقولك إنّها كلمات بتوصف لك خصائص الصوت بالسماعات؛ فكلمة base  (بيس) ؛ بتوصف لك الترددات المنخفضة اللي بتعطيك شعور بالنغمات المنخفضة وتضفي واقعية وعمق على الأشياء اللي تسمعها زي تحركات اللاعب باللعبة. أمّا بالنسبة لـ high (هاي)؛ فهي عكس البيس وتعني الترددات العالية بالصوت زي أصوات الانفجارات والأسلحة الموجودة بالقيمز. الـ turbo (تيربو) بيحسِّن الصوت وبيعطيه جودة وواقعية أكثر خاصة لما تصير أجواء اللعبة أسرع وأقوى فتعيشك الجو.  طبعاً نسبة كل من الـ Turbo والـ base والـ high تختلف من سماعة لسماعة، وفي سماعات تعطيك الخيار تتحكم فيهم وسماعات ثانية سعرها أقل ما تسمح لك تتحكم فيهم أو تكون نسبتهم قليلة ومو احترافية مثل السماعات اللي سعرها أعلى.

 

 

السماعات حسب التحكم بالضوضاء

تقنية التحكم بالضوضاء تختلف من سماعات لسماعات؛ هذي التقنية تساعد على عزل الأصوات المحيطة بأشكال مختلفة حسب نوعها وإذا كانت السماعات مزوّدة فيها أو لا، ومن أهم أشكال التحكم بالضوضاء وأكثرها شيوعاً: 

• إلغاء الضجيج الفعال: خاصية التحكم بالضوضاء هذي تستخدم تقنية متطورة عشان تنتج موجات صوتية مصممة بشكل خاص حتى تلغي الضوضاء الخارجية غير المرغوبة، هذا اللي يخلي تجربة الصوت أفضل بكثير.

• العزل السلبي للضوضاء: هذي الخاصية تحجب الضوضاء بمنعها من الدخول للاذن من الأساس، يعني ما في موجات صوتية تلغي الضوضاء الخارجية، لكن فيها مكونات نشطة أو حشوات زيادة عشان تقلل تأثير الضوضاء الخارجية.

• تقليل الضجيج: خاصية تقليل الضجيج هذي ما تلغي الضجيج كله، لكنها تقلل من حجم الضوضاء بشكل جزئي بس. ,وغالباً تصير في مكونات نشطة للسماعة مثل الحشوة أو المطاط.

 

السماعات حسب نوع التوصيل ومستوى مقاومة المياه

مع إنّ أنواع توصيل السماعات والمقابس حقتها معروفة بالنسبة لمعظم القيمرز, لكن حبينا نذكرك بها هنا: 

• سماعات سلكية- غير مضادة للمياه: السماعات اللي تتوصل بسلك بالغالب نسميها "سماعات سلكية" وبما إنها موصولة بسلك فأكيد ما راح تكون مقاومة للمياه بشكل عام

• سماعات لاسلكية-مقاومة للمياه: بالنسبة للمسمى "لاسلكية" فمعناه إن السماعات تتوصل بالجهاز عن طريق البلوتوث أو عن طريق الـ USB، أمّا بالنسبة لكونها "مقاومة للمياه" فيعني أنها ضد المياه بشكل جزئي مو كلّي؛ لأنها تتحمل كمية معينة من المياه بدون ما تخرب.

• سماعات لاسلكية-ضد الماء: هذي السماعات فيها مقاومة كلية للمياه؛ عشان كذا تتسمى"ضد المياه"؛تقدر تغرقها بالمياه بالكامل وتطلع زي ما هي؛ عشان كذا يستخدمها كثير ناس وقت  السباحة.

 

 

القيمنج هيدسيت

القيمنج هيدسيت واللي تتسمى بعد بـ سماعة قيمنق أو سماعة لعب هي نوع من أنواع السماعات اللي يستخدمها القيمرز وقت ما يلعبون ألعابهم، بالغالب يختار هيدسيت تكون عازلة للصوت بشكل كامل وفيها مايك عشان يتواصلون مع اللعيبة الثانيين ويختلفون حسب حبهم لأنها تكون سلكية أو لاسلكية. بالعموم، سماعات الألعاب تجي مختلفة من ناحية  جودة الصوت والتحكم فيه وتقنيات إلغاء الضجيج، لكنها كلها تساعد على تحسين تجربة اللعب بحسب جودتها والتقنيات اللي فيها.

 

بالنهاية، نقدر نقول إنك من خلال هذا المقال تعلمت مواصفات السماعات وأكثر الأشياء اللي يتفرج عليها القيمرز قبل ما يشترون السماعة، كلّ اللي عليك الحين تدخل وتختار السماعة اللي على جوك.