مراجعة لعبة Wanted Dead من غير حرق

لعبة جديدة من مطورين Ninja Gaiden و Dead or Alive هي لعبة Wanted:Dead

لعبنا فيها بالملازمة هانا ستون شرطية عصبية لكن متمرسة في مدينة هونغ كونغ السايبر بنكيه. وبننطلق في مهمة لازم نكشف فيها عن مؤامرة كبيرة لأحد الشركات.

 

وفي المهمة هذي بنقاتل ناس مختلفة. من ضمنهم عصابات وعساكر لكن بأسلوب مختلف عن باقي الالعاب اللي فيها تحرّي وشرطة.

وانتد ديد لعبة خليط بين هاك اند سلاش و شوتر بمنظور الشخص الثالث

 

لكنها ما بتكون سهلة وممكن تذكر بعض الناس بألعاب بلايستيشن 2

فيها مهارات التصدي للأعداء من dodge و parry لازم تضبط توقيتهم ولا بتموت.

 

وبما انها في مدينة تعتبر مستقبلية, الأسلحة بتكون مشكلة فيها القديم والمتقدم.

بتلعب بمسدسات وكاتانا وغيره وتقدر تستخدم كل شيء حولك وانت تضارب جيوش من الأعداء.

 

اللعبة فيها 50 فينيشر تقدر تفنش فيها أعدائك وتنهيهم.

 ونظامها بيذكرك بالألعاب القديمة اللي ما تخليك تكمل الا لما تنظف المكان من الأعداء.

 

لكن بصراحة, اللعبة أبداً مو مثالية وتحس انها المفروض نازلة من زمان فلا ترفع سقف توقعاتك اذا ناوي تلعبها.

لكنها ممتعة, وفيها فعاليات جانبية كثيرة تقدر تسويها غير اللعبة الاساسية.

 

وفكرة ان اخراج اللعبة أو القرافيكس يتحول لأنمي وترجع للعبة مرره حلوة.

اللعبة متوفرة على ستيم وايبيك قيمز والبلايستيشن والاكس بوكس لكل اللي حابين يلعبون.