لابتوب قيمنق ولا بي سي قيمنق؟ أي واحد يناسبك وليش؟

لابتوب قيمنق ولا بي سي قيمنق؟ أي واحد يناسبك وليش؟

 

تطوّرت الألعاب وتقنياتها بشكل كبير هذي الفترة، وبسبب هذا التطور ما عاد القيمر قادر يواكب تطورات اللعب على جواله أو على بي سي أو لابتوب بمواصفات عادية؛ فكل ما زادت تقنيات اللعبة وتطورها مثل الرسومات اللي فيها زادت الحاجة لشراء بي سي بمواصفات عالية تناسب احتياجات اللعبة. من هنا جت فكرة بي سي القيمنق ولابتوب القيمنق بمواصفاتهم المختلفة اللي تناسب ألعاب مختلفة؛ عشان كذا بنقولك بهذا المقال معلومات أكثر عنهم وعن اللي يناسبك أكثر من بينهم ووش السبب اللي يخليك تختار واحد ومو الثاني.

 

لابتوب القيمنق وميزاته وخصوصاً التنقل

تقدر تقول إن هذا لابتوب قيمنق أو لابتوب عادي من خلال مواصفاته، لأن فيه ميزات محددة تنضاف عشان تعزز أداء الألعاب، أهمها: 

 

1- وحدة معالجة الرسومات (GPU): ضروري تكون وحدة معالجة الرسومات قوية عشان تقدر تشغل الألعاب اللي جودتها عالية بإعدادات الرسومات العالية. بشكل عام، لازم تكون وحدة معالجة الرسومات (GPU) في اللابتوب بمستوى GTX 1660 أو أعلى للأداء الجيد، ومستوى RTX 2060 أو أعلى لأداء أفضل في الألعاب عالية الجودة بإعدادات الرسومات العالية. وممكن بعد تختلف هذي المستويات حسب الجيل والموديل الخاص لكل وحدة معالجة رسومية. ويختلف حسب نوع الألعاب اللي بتلعبها على الجهاز بعض الألعاب تطلب قوة أعلى عشان بس تشتغل. 

 

2- المعالج (CPU): زي ما الكل يعرف إن المعالج هو جزء رئيسي من اللابتوب أو البي سي، وهو المسؤول عن تنفيذ كل العمليات والأوامر داخل الكمبيوتر، وبشكل عام لازم تشيّك على نوع وجيل وموديل المعالج عشان تعرف كيف الأداء حقه، وحتى تقول بثقة إن هذا لابتوب قيمنق لازم يكون المعالج على الأقل رباعي النواة Quad-Core، أو ببساطة تقدر تاخذ هذي الموديلات وتحطها قاعدة لما تشتري أي لابتوب قيمنق: 

 

• Intel Core i5 10th Gen أو أعلى.

• Intel Core i7 9th Gen أو أعلى. 

• AMD Ryzen 5 4000 series أو أعلى.

• AMD Ryzen 7 3000 series أو أعلى.

 

طبعاً مهم تعرف إن الأداء والسرعة اللي توفرها المعالجات تختلف حسب الإعدادات الدقيقة وحجم الذاكرة المؤقتة (Cache) وتردد المعالج وعدد النوى والتقنيات المدمجة فيها، وإنه المعالج مش العامل الوحيد اللي يحدد أداء اللابتوب حقك. 

 

3- الذاكرة العشوائية (RAM): تساعد ذاكرة الرام على تخزين البيانات المؤقتة المرتبطة بتشغيل الألعاب وغيرها من البرامج، وعشان تعرف ايش أحسن ذاكرة لازم تعرف إنه السعة حقتها واحد من العوامل الرئيسية اللي تحدد سرعة وكفاءة اللابتوب؛ فإذا كنت تبغى لابتوب قيمنق لازم يكون فيه عالأقل 8 جيجابايت من الرام، بشكل عام، تقدر تقول إن لابتوبات القيمنق اللي فيها رام سعته بين 8 لـ 16 جيجابايت تشغّل معظم الألعاب الحديثة بسلاسة ودون ما تعلّق معاك اللعبة.

 

4-  التخزين (SSD): تأثر الإس إس دي على سرعة تحميل الألعاب ووقت الاستجابة، وكل ما زادت سعتها زادت قدرتها؛ من هنا نقدر نقول لك إنه الأفضل تكون ذاكرة الإس إس دي على الأقل بحجم تخزين 512 جيجابايت، وننصحك تستخدم الأجهزة اللي تدعم تقنية NVMe؛ لأن هذا النوع من التخزين يوفر لك سرعة عالية في القراء والكتابة؛ الشيء اللي يخلي أداء الألعاب أحسن. 

 

5- الشاشة (Screen): الشاشة غالباً تجي متوافقة مع مواصفات الجهاز. لكن اللي مهم تعرفه توافق كرت الشاشة مع مواصفات الشاشة عشان تستمتع بأعلى معدل توافق. 

 

6- التبريد (Cooling System): لابتوبات القيمنق في الغالب فيها أكثر من مروحة تبريد وحدة عشان توزع الهواء البارد بطريقة أفضل، والقيمرز يفضلون تواجد منافذ تهوية إضافية عشان تحسن تدفق الهواء، الشيء اللي يهمك تعرفه إن درجة حرارة لابتوب القيمنق لازم تكون من 70 لـ 80 درجة مئوية في الحمل الكامل. ولو تلعب ألعاب كبيرة ورسوماتها عالية جداً ننصحك تشتري طاولة تهوية تساعد على تبريد الجهاز. وكلنا نعرف أن الجهاز اذا ارتفعت حرارته بيطفى أو يتلف. 

 

  على المواصفات الموجودة فوق، لازم تعرف إن لابتوب القيمنق يتميز عن بي سي القيمنق بأشياء مثل الكيبورد اللي منه وفيه، ومنافذ توصيل ملحقات اللعب، البطارية اللي تخليك تقدر تستخدم اللابتوب بدون كهرب، وحجمها الصغير اللي يسهّل عليك نقل اللابتوب وحمله معاك وين ما تروح. وتلعب على الماشي. السلبية اللي فيه أنه لما تقرر تغير المواصفات في الغالب ماتقدر لان حجمها مختلف وتركيبها يحتاج مختص. وبعض القطع تكون مصممة خصيصاً للابتوب اللي معاك وماتلقى لها قطع غيار مختلفة. 

 

بي سي قيمنق وأهم مميزاته خصوصاً قوة الآداء وسهولة التعديل. 

مع إنك ما تقدر تحرك بي سي القيمنق من مكانه، لكنه معروف بكونه أقوى وتقدر تخصصه وتطوره براحتك؛ وهذا الشيء اللي يخليه مُستخدم بشكل أكبر عند القيمرز.  ومن مميزاته: 

1- وحدة معالجة الرسومات (GPU): يعتبر القيمنق بي سي مثالي للألعاب الحديثة والتطبيقات الثقيلة المتعلقة بالجرافيك، فهو يتميز ببطاقات رسومية قوية مثل NVIDIA GeForce و AMD Radeon، وهذا يساعد على تحسين جودة الصورة وتجربة الألعاب بشكل عام.

2- المعالج (CPU): يتميز بي سي قيمنق بمعالجات قوية وعالية الأداء، مثل معالجات إنتل كور i7 و i9 و معالجات AMD Ryzen 7 و Ryzen 9، وهذا يخليه يشغل التطبيقات الثقيلة وألعاب الفيديو بكفاءة عالية وبسرعة رهيبة.

3- الذاكرة العشوائية (RAM): زي ما قلنا بلابتوب القيمنق قبل؛ لازم يكون حجم الرام بين الـ 8 لـ 16 جيجابايت على الأقل.

4-  التخزين (SSD): لازم يتوفر في بي سي القيمنق مساحة تخزين تكفي للبيانات والتطبيقات والألعاب، ويفضل إنه يكون القرص الصلب (HDD) بحجم 1 تيرابايت أو أكبر. سعة تخزين SSD أسرع لكن سعرها اغلى والاختيار بينها يعتمد على احتياجك ونوع الألعاب.  

 

هنا ننصحك تشيّك على كم بي سي يبردون قلبك بميزانيات مختلفة. قوي مثل جهاز لينوفو ليجن T5 ، متوسط مثل جهاز اسوس روج ستريكس اللي يلبي احتياجاتك بسعر جيد نسبياً، بسيط مثل اسوس روج ستريكس اللي من نفس النوع المتوسط لكن بمواصفات أقل نسبياً وبميزانية حلوة. وبالنسبة للبي سي مايحتاج نذكرك بأنك تقدر تجمع جهازك بنفسك من هنا عشان تشوف اللي يناسبك من حيث السعر والمواصفات وغيرها من الخيارات. والتركيب علينا. 

 

كيف أعرف ايش اشتري؟ 

اختيارك بين لابتوب قيمنق وبي سي قيمنق يعتمد على حركتك واحتياجك للتنقل بشكل أولي، ويعتمد بعد على مدى حبّك للتطوير من حيث شراء قطع بمواصفات أحدث كل فترة أو لا؛ فلو كنت تحب تتنقل كثير لازمك لابتوب قيمنق. أما لو كنتت تقدم الآداء القوي على التنقل والراحة وبنفس الوقت تحب التطوير المستمر لنفس الجهاز؛ فالبي سي هو خيارك الأفضل. 

 

أمّا إذا كنت محتار من ناحية مواصفات بي سي أو لابتوب. فلازم أول تتعرف على متطلبات اللعبة اللي تبغى تلعبها وبعدها تشوف القطع والمواصفات اللي تلزمك عشان تشغلها بكفاءة. 

 

وما عليك! لو ما فهمت كل المكتوب فوق وتعبت من البحث ومحاولات الفهم؛ ,وعشان كذا لاعب بسطها لك. بسطها لك من كل النواحي، تواصل مع الخبير حقنا على الواتس آب  واستشيره عشان يعطيك الصافي حسب احتياجك وببلاش.

 

وأخيراً نحب نذكرك أن حسب أسلوب لعبك والألعاب اللي تلعبها تقدر تغير تركيبة الجهاز وتوفر مبلغ معين بدل ماتاخذ جهاز فيه مواصفات جداً عالية واستخدامك لها يكون جداً قليل.