تسريبات رزدنت ايفل 4 المؤكدة
شارك
⇦ عوده
مع أسابيع تفصلنا عن إطلاق رزدنت ايفل 4 ريميك, تم الإعلان عن اللعبة قبل تقريباً 8 أشهر. والتسريبات بكل مكان للعبة ,والديمو أخيراً على وشك النزول وعكس توقعات أكثر اللاعبين أن اللعبة بيكون لها أكثر من ديمو الأول بيكون بالقرية والثاني بالقلعة والثالث بالجزيرة. ماشفنا للآن ولا ديمو. وكأن كابكوم قاعدة تقول أنه هذي اللعبة ماتحتاج ديمو وزي مايقولون المعروف لا يعرف. ولأن أغلبنا طلبها حتى بشكل مسبق هذي اللعبة اللي ألهمت ألعاب الرعب كلها من 2005 وغيرت وجة القيمنق من ناحية إنها قدمت منظور من خلف الكتف لأول مره في 2005. كانت لعبة سابقة لعهدها محبوبة من جميع القيمرز. الريميك كل اللي نزل منه حالياً ثلاث فيديوهات سينمائية وقيم بلاي واحد فقط بشكل رسمي. الباقي كلها تسريبات لكن اليوم بنجمع كل التسريبات (المؤكدة) من كابكوم شركة اللعبة عشان نعرف وش اللي تغير ومانركز بالإشاعات
أغلب التسريبات اللي شفناها المؤكدة سواء عن طريق مقال أو فيديو أو مقابلة بشكل عام. شفنا اسئلة واجوبة من مطورين ومخرجين ريميك رزدنت ايفل 4 واللي اشتغلوا على ريميك رزدنت ايفل 2 وضحوا إنهم دعوا المخرج الأصلي للعبة "شينجي ميكامي" لكن ماقبل الدعوة. وأيضاً وضحوا أن الشركة ماكانت ناويه تشتغل على ريميك الجزء الرابع من كثر ما أن المشروع له هيبته لأنه محبوب من جميع اللاعبين ومهما اشتغلوا عليه بكل قوتهم مارح يرضي الناس لأن اللعبة الأصلية شبة مثالية وماتحتاج أي تعديل والكثير مننا للآن يلعبها على الاجهزة الحديثة. بعكس الاجزاء السابقة من رزدنت ايفل 3 وقبلها كانت الجرافيكس قديمة وطريقة التحريك صعب جداً لعبها مع تطور التيكنولوجيا الحالي. "لأن اللعبة الأصلية كانت تحفة فنية فالريميك بيكون صعب جداً وعشان كذا ماكنت أبغى أسويه" هذا اللي قاله "كازونوري كادوي" مخرج اللعبة القادمة.
الحين نجي لمحتوى اللعبة اللي تم تأكيد ظهوره. المخرجين لأكثر من مره وضحوا إن اللعبة بتنزل كاملة مثل الأصلية بثقة وإن حتى ممكن يكون فيه زيادة. لكن قبل ماندخل في التسريبات للعبة والاختلاف والتطوير نحب نوضح أنه أي شيء قالوه المخرجين وماشفناه في فيديو بأم عيوننا لازم نشكك فيه بعد آخر مقابلة في اليوتيوب لما قالوا أنه مافيه إعداء جدد مع العلم إننا شفنا عدو جديد في تسريب رسمي. وحتى الأشياء اللي قالوا إنها ماهي موجودة يمكن يفاجئوننا فيها وقت اصدار اللعبة وهذي قد تكون خطة عشان يفاجئوننا بكل شيء وبنفس الوقت عشان مايزعلون محبين السلسلة المتعصبين وهم عدد كبير جداً.
القصة
هل بتختلف القصة عن اللعبة الأصلية؟ واللي هي إرسال العميل ليون كيندي بمهمة سرية لإنقاذ ابنة الرئيس المخطوفة؟ لا. وبكل تأكيد القصة مارح تختلف بأساساتها. لكن اختلافات بسيطة قد نشوفها مثل دور ايدا باللعبة وكذلك دور لويس وكراوزر ومايك في الهاليكوبتر. كلها تم ذكرها في المقالات بشكل مؤكد لكن وش الاختلاف بالضبط؟ ماندري. قد يكون دور اطول او اقصر او مصير شخصية. وفي العرض السينمائي الثالث شفنا دور لويس اطول بكثير وجاء معانا بأكثر من مكان.
الإعداء
الاعداء الرئيسين باللعبة "غاناتو" وهم قرويين اللعبة شفناهم بالفيديو الرسمي اللي نزل من كابكوم وشفنا دكتور سالفادور أو رجل المنشار بشكل مهيب ومرعب شفنا أيضاً "تشيف ميندز" و"سالازر" و"سادلر" واللي هم الأعداء الكبار في اللعبة وهم زعماء كل منطقة باللعبة. وهم مؤكدين 100% نجي للزعماء الفرعيين وهم "إل جيغانتي" أو الوحش العملاق و"ديل لاقو" أو الحوت الضخم بالبحر و "فيردوغوس" أو حرّاس سالازر و"كراوزر" تم تأكيد ظهورهم جميعهم أما "U3" أو "IT" وحش اللسان الطويل بالجزيرة و The Generator أو الوحش المرعب اللي يجدد نفسه. ما تأكدوا مثل كل شيء بالجزيرة للآن ماتم التطرق لها بالتسريبات.
أعداء جدد؟
شفنا واحد منهم في القرية وهو عدو رأس الثور حامل المطرقة الكبيرة شكله يخوف وهيبه وفوقها سريع وممكن يقتل بضربة وحدة. لكن رغم كذا المخرجين قالوا بالمقابلة أنه مافيه أي عدو جديد مع أننا شفنا واحد. ومن هاللحظة بدينا نحس أن كابكوم بدأت تعطينا معلومات مخربطة وبعضها كذب عشان نتفاجئ فيها باللعبة لما نلعبها. مثل The Hook Man أو الرجل اللي شفناه في بيتا اللعبة الأصلية واللي الكل كان يبغى يشوفه يرجع بالريميك لأن السبب الوحيد اللي خلاه مايطلع في اللعبة الأصلية هو ضعف التكنولوجيا بهذاك الوقت لكن كلنا عارفين انه التكنولوجيا ماعادت مشكلة الحين وكلنا نتمنى أننا نشوفه في هذي النسخة من اللعبة.
وممكن مايكون فيه أعداء جدد غير واحد أو ثنين لكن المؤكد هي طريقة القتال معهم وكيف أننا نصد هجماتهم او نتربص فيهم أو حتى طريقة هجومهم تغيرت عن المعتادة مثل الأعداء اللي يطلع من رأسهم وحش الفايروس صاروا يقدرون يعلقون الوحش بالسقف ويهاجمونك من فوق.
التحريك واسلوب اللعب
أسلوب اللعب والتحكم هو الشيء الوحيد اللي موقف أغلب اللاعبين من أنهم يلعبون النسخة الأصلية من اللعبة وأكيد تطورات التحريك والتصويب تتوافق مع التقنية الحالية. وبنفس الوقت أكدوا مخرجين اللعبة شيئين للي يحبون اللعبة الأصلية ويبغون يجربونها بكل تفاصيلها على المحرك الجديد أنه فيه خيار بالاعدادات يرجع لك التحكم نفسه من اللعبة الأصلية وتصويب الليزر اللي كلنا نحبه من اللعبة الأصلية بيكون عن طريق قطعة يركبها ليون على الأسلحة في الريميك.
طيب وش صار على الـ QTE أو الازرار اللي فجأة تطلع في نص القصة تفاجئنا زي الهروب من الصخرة الكبيرة والتصدي لسكين كراوزر؟ هذي الأشياء كلها الغوها وعلى كلام المخرجين أنها صارت طريقة لعب قديمة وراح وقتها واستبدلوها بأشياء مثل صد الضربات بالسكين مثل اللي شفناها بالقيم بلاي الرسمي لـ ريميك لما ليون صد منشار رجل المنشار بسكينته. وهذي بتضيف اكشن ومتعة للعبة أكثر من الازرار اللي تطلع فجأة على الشاشة.
الأسلحة
من أهم التسريبات أننا شفنا خيار تغيير الأسلحة السريع من غير مانفتح شنطة الأسلحة واللي رح تكون خيار يغمسك باللعبة بدون ماتوقف وأكيد لعبة بتنزل في 2023 مستحيل تخليك توقف اللعبة كل مره تحتاج تغير سلاحك. شفنا إيضاً خاصية التخزين عند الآلة الكاتبة لحفظ اللعبة. وهي أنك تخزن اسلحتك و عدتك اللي ماتحتاجها وهذا عكس اللي شفناه باللعبة الأصلية وهو أن كل شيء لازم يكون معاك طول الوقت. إيضاً شنطة ليون تقدر تعدل عليها بميداليات تغير من خائصك مثل ميدالية الدجاجة تطيح لك بيض أكثر! الأسلحة اللي نعرفها تبي ترجع من المسدسات الصغيرة وأهمها Red9 والشت قن أو البندقيات شفنا منها واحد وهو Riot شفنا بعد الرايفل اليدوي اللي يطلع ببداية اللعبة وشفنا سلاح جديدة اسمه Bolt Thrower يرمي مثل الألغام الصغيرة بالأرض تتفجر لما الإعداء يمشون عليها. أما الرصاص وأدوات العلاج بتكون لوت من الأعداء أو تسويها بنفسك عن طريق أضافة الكرافت باللعبة.
اشلي وأيش موضعها؟
من أكثر الأشياء المزعجة في تاريخ القيمز هي أشلي وصراخها. والمطورين عارفين هالشيء, شفنا في تسريب الشخص اللي لعب للعبة أن فيه علامتين لآشلي لما تكون مع ليون. علامة أنها تلحقه بشكل قريب جداً أو أنها تلحقه عن بعد. وخيار انك تتركها وتروح تقاتل تم ألغاءه بالكامل لأن الهدف من أنها معاك أنها تكون حولك. البعض يشوفه احسن والبعض الآخر يقول بالعكس. المهم أن انقاذها صار اسهل من خلال انك تركض للعدو اللي اخذها وتعطيه ضربة وحده بالسكين.
عكس أول لما كان المفروض تصوب عليه واحتمال تصوب على اشلي وتموت بالغلط. وعلى عكس الآراء المختلطة من اللاعبين فإن خاصية أن آشلي ماتحتاج علاج ومايحتاج تتقاسم معها العشب اللي تجمعه لأن بعد ماتتضر ترجع لها صحة مع مرور وقت بدون ماتاخذ ضرر أكثر. وإذا تضررت يحتاج تسوي لها Revive أو تساعدها توقف.
الأجواء العامة للعبة
الأجواء العامة في اللعبة نقدر نقول أنها أكثر رعب من النسخة الأصلية اللي كانت تقريباً نص رعب ونص أكشن. وكون الريميك يبدأ في القرية شفناها بوقت كانت مظلمة وعلى كلامهم في بداية ساعات الفجر بعكس اللعبة الأصلية اللي ماشفنا القرية بالليل إلا مره وحده. وأكيد مع الجرافيكس الرهيبة ودقة التفاصيل المناظر المرعبة بتعطيك شعور بالرعب والحماس أكثر.
القلعة والجزيرة كانت شبه غموض كامل قبل آخر عرض سينمائي للعبة وآخر قيم بلاي من مسرب وضح لنا القلعة وخفف الشكوك حول أن اللعبة هذي ركزوا فيها المطورين على إنها تكون شبة نسخة من الأصل. والقلعة في بعض الأماكن تشبة الأصلية بشكل تخليك تحسها منسوخة من الأصلية مع تعديل جرافيكس. شفنا Garrador عدو المخالب الأعمى وطريقة القتال معه اللي تحدثت مع دخول نمط التخفي والحماس كل يوم يزيد.
الجزيرة؟؟؟؟؟؟
أكثر جزئية اختلف فيها اللاعبين ناس تقول ياليت ينحذف منها شوي لأن الأجواء فيها اكشن بزيادة وماكأنها رزدنت ايفل. وناس تقول نبغاها نفس ماهي لكن تتعدل عليها. شفنا بالعرض السينمائي الثالث جزئية من الجزيرة وهي كراوسر وجزئية قتال مايك في الهاليكوبتر مع ليون ومن أول وهلة تشبه الأصلي بشكل كبير جداً.
لكن أكبر جزئية مرعبة احتجنا نشوفها هي العدو المتجدد أو The Generator. وماشفنا منه ولا حتى تلميح ويبان من كل العروض اللي نزلت أن ليون وآشلي في منطقة الجزيرة كانوا يصارعون ضد الفايروس اللي يحاول يسيطر عليهم.
مهمات جانبية؟؟
