سوني جاوبت على الأسئلة المتعلقة بنظارة الواقع الافتراضي PS VR2

 

سوني جاوبت على كل الأسئلة المتعلقة بنظارة الواقع الأفتراضي PS VR2 القادمة

 

 

عالم جديد من إمكانيات الواقع الافتراضي توفرها PlayStation VR2 اللي تعتبر أكثر أجهزة الواقع الافتراضي تقدماً للحين! يقال إنك أول ما تجرب هذي النظارات راح تتغير طريقة نظرك للعب لباقي عمرك بسبب التقنيات الثورية اللي وفرتها سوني في هذي النظارة.

 

 أهم هذه التقنيات PS VR2 Sense اللي تخلي تجربة المستخدم أكثر تفاعل بسبب دقة الأصوات ثلاثية الأبعاد، التتبع الذكي للعين، وخاصية كشف لمسات الأصابع وردات الفعل عن طريق وحدة التحكم، والاهتزازات الخفيفة اللي تطلع من السماعات. 

 

 

دقة الوضوح: تدعم كل شاشة من الشاشتين الموجودين فيها دقة وضوح 4K كاملة، بمعنى 2000x2040 بكسل لكل عين.

تردد الشاشة: تتميز النظارة بتردد شاشة يوصل لـ 90 و 120 هرتز.

خاصية التتبع: موجود بالنظارة وحدة استشعار للحركة على 6 محاور، وفوقها 4 كاميرات مدمجة، وكاميرا IR لتتبع حركة كل عين.

نوع الشاشة: تتميز كل شاشة بتقنية OLED، وتدعم خاصية HDR لتوفير تجربة مشاهدة رهيبة.

الربط والتوصيل: تستخدم النظارة سلك USB من نوع C للاتصال بـ PlayStation 5.

مجال الرؤية: تعطي نظارة سوني للواقع الافتراضي مجال رؤية واسع يوصل لـ 110 درجة.

الصوت: النظارة فيها مدخل 3.5 ملم للصوت.

الخواص التكيفية Haptics: نظارة PSVR 2 مع وحدتين للتحكم. ومستشعرات الحركة بنفس تقنية يد بلايستيشن 5 DualSense على وحدتين التحكة والخوذة من ورا. 

 

 

وش الفرق بين نظارة سوني للواقع الافتراضي الجديدة PS VR2 والقديمة PS VR 

 

من أهم الأشياء اللي تطوّرت بالنظارة الجديدة هي الدقة و الوضوح اللي تدعمها كل شاشة من الشاشتين؛ دقة الوضوح بالنظارة الجديدة 4K وبمعدل تردد 90 و 120 هرتز 120 إيطار بالثانية، أمّا بالنسبة للنظارات القديمة فكانت دقة الوضوح 1080p بس؛ عشان كذا تقدر تقول وإنت متطمن إن التجربة الجديدة باللعب راح تفوق القديمة بمراحل لأنها بتكون واقعية وواضحة أكثر. ومن التطورات الجديدة بعد تقنية HDR، هذي التقنية تخلي تباين الألوان بين الشاشتين اللي موجودين بالنظارة أفضل، طبعاً تقنية الـ HDR ما كانت موجودة بالإصدار القديم للنظارات.

 

تحديث بسيط بشكل كبير صار على مجال الرؤية في النظارات؛ النظارات القديمة كان مجال رؤيتها 100 درجة، أمّا النظارات الجديدة مجال رؤيتها 110 درجة؛ يعني بس 10 درجات فرق لكن هذي الدرجات أعطت مستوى جيد من التغيير في التجربة لما انجمعت مع الخواص الجديدة الموجودة فوق.

وأكثر شيء تطور عن الأصدار السابق هي ملحقات النظارة كانت أسلاك كثيرة وتركيبها معقد أما هذا الأصدار وطريقة التركيب هي سلك واحد متصل بالبلايستيشن 5 فقط لا غير. لا ووزنها أخف من الموديل السابق. يعني سوني تأكدت من أن التطوير يشمل كل المراحل.

ايضاً أضافة سوني لأربع كاميرات على نظارة PS VR2 نفسها بعكس النظارة القديمة اللي تحتاج تركب لها كاميرا على الشاشة ولو طلعت من مجال الكاميرا توقف عليك اللعبة. هذا الإصدار بيخلي تتحرك بحرية بمجال أنت تحدده بنفسك.

 

 

أسئلة شائعة عن نظارة بلايستيشن الإصدار الثاني

الأسئلة اللي تنطرح علينا أو اللي يتداولها القيمرز عن هذي النظارات ما تخلص أبد! جمعنا لكم هنا أكثر الأسئلة اللي انطرحت في مجتمع لاعب، وجاوبنا عليها بطريقة بسيطة وواضحة ورجوعاً للمعلومات الرسمية اللي طرحتها سوني:

 

ايش هي الأشياء اللي تجي مع نظارة بلايستيشن VR2 في الصندوق؟

الأشياء الموجودة في صندوق النظارة بتكون كالتالي: النظارة نفسها مع سلك  يتصل في بلايتسيشن 5، ويدين التحكم وسماعة سلكية وربل تغيير مقاسها، وكيبل USB لشحن يدين التحكم. أما بالنسبة لحزمة Horizon: Call Of The Mountain مكونات الصندوق نفسها مع رمز اللعبة بشكل ديجيتال تشحنها على حسابك وتلعب اللعبة. 

 

هل بتشغل نظارة سوني للواقع الافتراضي الجديدة مع بلايستيشن 4؟ 

للأسف لا، نظارة البلايستيشن هذي مصممة عشان تتوافق مع بلايستيشن 5 بس وما تشتغل مع بلايستيشن 4.

 

لازم تكون غرفتي معتمة لما أستخدم النظارات الجديدة؟

لا! بالعكس، لازم تكون الغرفة مضاءة عشان تستمتع بأفضل تجربة لعب.لكن حتى لو كانت معتمة النظارة بتشتغل ومايفرق اضاءة الغرفة لأنه على كلام سوني أنت بتكون في عالم افتراضي.

 

تنصحوني اشتري كاميرا خارجية عشان استخدم نظارات سوني الجديدة للواقع الافتراضي؟ 

أكيد لا! حركاتك والمكان اللي تتفرج عليه راح ينعكس جوا اللعبة بدون ما تحتاج لكاميرا خارجية؛ لأن النظارة نفسها مهيئة بأربع كاميرات تتّبع حركتك وتخليك انت تحدد محيطيك وإلى وين ودك تتحرك وتمشي وتحدد الجدران على سبيل المثال بحيث لو قربت منهم وأنت تلعب تعطيك تنبيه داخل اللعبة. 

 

أقدر أعدِّل حجم النظارات على حسب راسي وعيوني؟

طبعاً! النظارة فيها حزام وزر تقدر باستخدامهم تزيد من حجمه أو تقلله على حسب حجم راسك ويتثبتون بطريقة مريحة وفعّالة. وتقدر أيضاً تعدل على المسافة بين العدسين ولو كنت حتى تلبس نظارة تقدر تضبطها على وجهك مع النظارة.

 

النظارات الجديدة فيها ميكروفون؟ 

أكيد, الميكروفون جزء منها وفيها وفي ضغطة زر تقدر لما تكبسها تكتم الصوت أو تلغي كتم الصوت مثل تحكم يدين البلايستيشن 5. 

 

كيف أعرف وش الألعاب اللي تناسب هذي النظارة؟

وإنت تستخدم النظارة تقدر تشوف إن شركة سوني معلّمة كل الألعاب اللي تنلعب بالنظارة بشريط واضح؛ من خلاله تعرف إذا اللعبة مدعومة بالنظارة أو لا.

 

الألعاب اللي توفرها نظارة سوني للواقع الافتراضي

للحين في أكثر من 100 لعبة قاعدين المطورين يشتغلون عليها عشان تلائم هذي النظارة من ناحية تجربة اللعبة ومن ناحية الرسومات والإضاءة وهذي القصص، أهم لعبة من الألعاب هي لعبة Horizon Call of The Mountain أو هورايزون: كول أوف ذا ماونتن واللي تجي بحزمة مع النظارة لو اشتريت الحزمة الثانية اللي ذكرناها سابقاً. 

إذا كنت من اللي يحبون لعبة ريزدنت إيفل؛ فعندنا لك خبر يبرد القلب! نظارة سوني للواقع الافتراضي راح توفرلك نسخة  رزدنت ايفل 8 (فيلج) مع ميزات متقدمة بفضل خواص تتبع العين والصوت ثلاثي الأبعاد الموجودين بهذي النظارة، بتحديث مجاني إذا كنت تملك اللعبة. بتعيش جو الرعب بمكان ايثن وينترز. 

 

وبعد إعلان سوني في حدثهم State Of Play الأسبوع الماضي أعلنوا عن ألعاب مشوقة جداً من ضمنها: Foglands و Green Hell و Synapse و Journey to Foundation وغيرها ألعاب تظهر لنا قوية وتنافس بالواقع الافتراضي. 

 

وأخيراً.. هذا أصدار سوني بلايستيشن للنظارة واقع افتراضي بعد 6 سنوات. وأهم مميزاتها التصميم و الحساسات في اليدين وتقنية تتبع النظر والدقة العالية. أجوبة سوني كانت واضحة ومباشرة بدون تفصيل. خلت البعض يبي يجرب وخصوصاً محبين نظارات الواقع الافتراضي.