إذا كنت تفكر تشتري شاشة قيمنق في الفترة الحالية، يمكن تحتار بالموضوع وتسأل نفسك ليش بعض الشاشات أغلى بكثير من غيرها؟ وش فائدة الدقة؟ وش معنى سرعة الاستجابة أو معدل التحديث؟ خليني اوضح لك الموضوع بالتفصيل وابعد عنك الحيرة عشان تقدر تختار الشاشة اللي تناسب احتياجاتك وميزانيتك.

 

خلني أبدا اشرحلك أهم نقطة حاليًا واللي هي ليش تشتري شاشة قيمنق ومو أي شاشة عادية من الأساس، كثير من الناس ممكن تعتقد ان شاشة القيمنق مجرد اسم او شكل وتعتبر ان الشاشات العادية ماتفرق عنها بالأداء ولكن هالكلام غير صحيح.

 

شاشات القيمنق تصممت عشان تعرض لك اللعبة بالشكل المثالي والي يتناسب مع أداء كرت شاشتك، كثير مننا ماراح يحس بالفرق لين يجرب، لكن الفرق بالعوامل الي بتحتاجها بشاشة القيمنق سواءً بالأداء أو الألوان أو الحركة بيختلف بشكل جدًا كبير وملحوظ بين شاشة القيمنق والشاشة عادية.

 

في حال قررت انك تاخذ شاشة قيمنق، حط ببالك الخصائص الجاية وبناءً عليهم اختار الشاشة اللي تناسبك.

 

1- الحجم:

 

حجم الشاشة بمعظم الأحوال لازم يكون اول شي يتحدد قبل اي شي ثاني،  حجم الشاشة هو المسافة من الزاوية للزاوية الي مقابلها بالشاشة، وينقاس بمعظم الأوقات بوحدة قياس بوصة Inch واللي رمزها ". الحجم المثالي للشاشة يعتمد بشكل أساسي على دقتها وبعد مسافة جلوسك عن الشاشة، معظم الناس يشوفون ان دقة ال 1080p تناسب الشاشات إلى 25 بوصة، لكن هذا الكلام ما يعني ان مافي شاشات 4K بحجم صغير، والسبب ان في فئة من الناس يعتبرون حجم الشاشة مجرد تفضيل شخصي وكل ما زاد بعد مسافتك عن الشاشة زاد احتياجك لدقة أعلى.

 

2- الدقة:

 

دقة الشاشة هي الميزة الي تخلي العابك تظهر بشكل أحلى، كل مازادت دقة شاشتك، زادت البكسلات الي تعرضها وكل مازادت البكسلات تصير الجودة والصورة أوضح وأفضل. الدقة ماراح تفيدك تنافسيًا ولا راح تكون عامل يحسن لعبك بشكل مباشر، بس بدون شك بتخلي جودة اللعبة وصورتها أحلى. حجم الشاشة يلعب دور باختيار الدقة الي تناسبك، معظم القيمرز يلعبون على دقة 1080 بكسل والي بتكون خيار ممتاز لشاشات حجمها 24 بوصة.

 

3- معدل التحديث:

 

وحدة من أهم المميزات بالقيمنق واكيد تسمع عنها كثير، لكن وش معناها؟

 

معدل التحديث هو عدد المرات الي تتحدث فيها الصورة من الشاشة ووحدة قياسها "هرتز Hz"، ببساطة كل مازاد معدل التحديث زادت سلاسة الصورة، والموضوع هذا بيخليك تحس ان اللعبة الي قاعد تلعبها فيها استجابة أعلى، على سبيل المثال لو عندك شاشة معدل تحديثها 60 هرتز، فمعناه ان الشاشة هذي بتعطيك 60 صورة بالثانية للعبة الي قاعد تلعبها، ولما نتكلم عن شاشة معدل تحديثها 144hz او 240hz فمعناه انك بتشوف صور اكثر خلال ثانية وحدة، وهذا الموضوع بيخليك تشوف الحركة بتفاصيل اكثر عكس ال 60 هرتز الي ماتعرض لك هذي التفاصيل.

 

4- وقت الاستجابة:

 

مصطلح ثاني ممكن تسمع عنه كثير لما تدور بشاشات الألعاب وغالبا يصير لخبطة بينه وبين معدل التحديث لكنهم شيئين مختلفين تمامًا.

 

وقت الاستجابة هو الوقت المستغرق للانتقال من لون إلى لون آخر ويقاس بـ "ملي ثانية Ms" ، الموضوع هذا ممكن يكون غير مهم للي يستخدمون أجهزتهم للتصفح أو الايميلات وغيرها، لكن بيفرق بشكل ملحوظ بالقيمنق والسبب ان كل جزء ثانية بالألعاب مهم، عشان كذا لازم تتأكد ان شاشتك جاهزة تعرض كل شي بشكل واضح وسريع، في حال كان وقت الاستجابة بشاشتك بطيء بتلاحظ صور ممكن تكون مزعجة للقيمرز بسبب تداخل الألوان ببعضها، وقت الاستجابة المناسب لشاشات القيمنق هو 5 ملي ثانية أو أقل ، ومعظم شاشات القيمنق الحديثة تتميز بوقت استجابة 1 ملي ثانية مثل شاشات من سامسونج.

 

5- اللوحة:

 

تختلف الشاشات بنوع اللوحة المستخدمة في كل شاشة TN أو VA أو IPS

 

شاشات TN هي الأسرع والأرخص، والسبب ان جودة الصورة تكون سيئة من الزاوية الجانبية. شاشات الـ IPS فيها استجابة أسرع شوي وتعطي أفضل ألوان بين باقي اللوحات الثانية مثل شاشة القيمنق من أسوس 24.5 بوصة، وشاشات VA فيها أفضل تباين من بين كل أنواع اللوحات الثلاثة.

 

لو حاب تعرف تفاصيل اكثر عن هذا الموضوع، شيك على هذي المقالة:

 

 الفرق بين شاشات VA vs TN vs IPS

 

قبل ما اختم الموضوع هذا، في عوامل كثيرة ثانية ما ذكرتها مثل الشاشة المنحنية أو المسطحة، نسبة الطول إلى العرض، مزامنة كرت الشاشة مع الشاشة، والسبب ان هذي العوامل تعتمد بشكل كبير على تفضيلات شخصية وما تؤثر بشكل مباشر على الأداء.

 

لطلب المنتجات المذكورة:

اضغط هنا